Balalaryn shetelde oqytýǵa milliondaǵan aqsha bergen qazaqstandyqtar yqtimal alaiaqtyq qurbany bolǵan, - dep habarlaidy Tengrinews.kz agenttigi.
2021 jyly Astana qalasynyń turǵyny bolashaq stýdentterge til úiretip, Túrkiiadaǵy ýniversitetterdiń birine oqýǵa túsirýge ýáde bergen kompaniiamen kelisimge kelgen. Alaida kelisimniń sońǵy tarmaǵy oryndalmaǵan.
"Kompaniiamen kelisimshartqa otyrdyq, qyzymyz tildi úirendi, biyl oqýǵa túsýi kerek edi. Biraq olar bizge berýi tiis bolǵan sertifikat eshqaida jaramaityn bolyp shyqty, biraq bul sertifikat oqýǵa túsýge 100 paiyz kepildik beretinin aitqan edi. Túrkiiaǵa kelgenimizde ýniversitettegiler qujattarymyz joqtyǵyn, sondyqtan bizdi qabyldai almaityndaryn aitty", - deidi Aijan.
Astanalyq áieldiń aitýynsha, Qazaqstannan taǵy birneshe otbasy dál osyndai jaǵdaiǵa tap bolǵan. Olardyń báriniń áńgimesi bir – Túrkiiaǵa kelgennen keiin ýniversitet olardy qabyldamaǵan, óitkeni qujattary tapsyrylmaǵan.
"Biz kompaniiaǵa shamamen 1 million 600 myń aqsha saldyq. Biz aqshany qaitarǵymyz keledi jáne aldaýlar men jańa qurbandar bolmas úshin kompaniia jabylǵanyn qalaimyz", - dep qosty áiel.
Astana Politsiia departamenti oqiǵany rastap, bul fakt boiynsha sotaldy tergeý júrip jatqanyn habarlady.
"Birneshe turǵyn politsiiaǵa beitanys tulǵalar alaiaqtyq jáne senimge qiianat jasaý arqyly aqshasyn iemdenip alǵany týraly ujymdyq aryzben júgingen. Tergeý barysynda kompaniia jábirlenýshilermen Túrkiiada til kýrstaryn ótkizip, keiin olardy ýniversitetke oqýǵa túsirý týraly kelisimge otyrǵany anyqtaldy. Derek boiynsha QR Qylmystyq kodeksiniń 190-baby boiynsha sotaldy tergeý amaldary júrgizilip jatyr", - dedi tilshige Astana Politsiia departamenti ókilderi.
