بالالارىن شەتەلدە وقىتۋعا ميلليونداعان اقشا بەرگەن قازاقستاندىقتار ىقتيمال الاياقتىق قۇربانى بولعان, - دەپ حابارلايدى Tengrinews.kz اگەنتتٸگٸ.
2021 جىلى استانا قالاسىنىڭ تۇرعىنى بولاشاق ستۋدەنتتەرگە تٸل ٷيرەتٸپ, تٷركيياداعى ۋنيۆەرسيتەتتەردٸڭ بٸرٸنە وقۋعا تٷسٸرۋگە ۋەدە بەرگەن كومپانييامەن كەلٸسٸمگە كەلگەن. الايدا كەلٸسٸمنٸڭ سوڭعى تارماعى ورىندالماعان.
"كومپانييامەن كەلٸسٸمشارتقا وتىردىق, قىزىمىز تٸلدٸ ٷيرەندٸ, بيىل وقۋعا تٷسۋٸ كەرەك ەدٸ. بٸراق ولار بٸزگە بەرۋٸ تيٸس بولعان سەرتيفيكات ەشقايدا جارامايتىن بولىپ شىقتى, بٸراق بۇل سەرتيفيكات وقۋعا تٷسۋگە 100 پايىز كەپٸلدٸك بەرەتٸنٸن ايتقان ەدٸ. تٷركيياعا كەلگەنٸمٸزدە ۋنيۆەرسيتەتتەگٸلەر قۇجاتتارىمىز جوقتىعىن, سوندىقتان بٸزدٸ قابىلداي المايتىندارىن ايتتى", - دەيدٸ ايجان.
استانالىق ەيەلدٸڭ ايتۋىنشا, قازاقستاننان تاعى بٸرنەشە وتباسى دەل وسىنداي جاعدايعا تاپ بولعان. ولاردىڭ بەرٸنٸڭ ەڭگٸمەسٸ بٸر – تٷركيياعا كەلگەننەن كەيٸن ۋنيۆەرسيتەت ولاردى قابىلداماعان, ٶيتكەنٸ قۇجاتتارى تاپسىرىلماعان.
"بٸز كومپانيياعا شامامەن 1 ميلليون 600 مىڭ اقشا سالدىق. بٸز اقشانى قايتارعىمىز كەلەدٸ جەنە الداۋلار مەن جاڭا قۇرباندار بولماس ٷشٸن كومپانييا جابىلعانىن قالايمىز", - دەپ قوستى ەيەل.
استانا پوليتسييا دەپارتامەنتٸ وقيعانى راستاپ, بۇل فاكت بويىنشا سوتالدى تەرگەۋ جٷرٸپ جاتقانىن حابارلادى.
"بٸرنەشە تۇرعىن پوليتسيياعا بەيتانىس تۇلعالار الاياقتىق جەنە سەنٸمگە قييانات جاساۋ ارقىلى اقشاسىن يەمدەنٸپ العانى تۋرالى ۇجىمدىق ارىزبەن جٷگٸنگەن. تەرگەۋ بارىسىندا كومپانييا جەبٸرلەنۋشٸلەرمەن تٷركييادا تٸل كۋرستارىن ٶتكٸزٸپ, كەيٸن ولاردى ۋنيۆەرسيتەتكە وقۋعا تٷسٸرۋ تۋرالى كەلٸسٸمگە وتىرعانى انىقتالدى. دەرەك بويىنشا قر قىلمىستىق كودەكسٸنٸڭ 190-بابى بويىنشا سوتالدى تەرگەۋ امالدارى جٷرگٸزٸلٸپ جاتىر", - دەدٸ تٸلشٸگە استانا پوليتسييا دەپارتامەنتٸ ٶكٸلدەرٸ.
