Túrkiianyń Joǵarǵy sailaý komiteti is basyndaǵy prezident Rejep Taiyp Erdoǵannyń prezident sailaýynda jeńgenin málimdedi. Elde sailaýdyń ekinshi kezeńi ótpeitin boldy.
Sailaý komitetiniń basshysy Sadi Giýven 25 maýsym kúni tańerteń jýrnalisterge Erdoǵan basty qarsylasyn "absaliýtti basymdyqpen jeńgenin" habarlady. Biraq ol Erdoǵannyń naqty qansha paiyz daýys jinaǵanyn aitpady. Sailaýdyń túpkilikti nátijesi 25 maýsym kúni keshirek jariialanbaq.
Buǵan deiin memlekettik telearna biýlletenderdiń 99 paiyzy sanalǵanyn, onyń nátijesi boiynsha Erdoǵan 52,5 paiyz daýys, al onyń basty qarsylasy Mýharrem Inje 31 paiyz daýys jinaǵanyn habarlaǵan.
Memlekettik BAQ prezident sailaýymen qosa ótken parlament sailaýynda Rejep Taiyp Erdoǵannyń "Ádilet jáne damý" partiiasy 41 paiyz, onyń odaqtasy Ulttyq qozǵalys partiiasy (MHP) 11 paiyz daýys, Mýharrem Injeniń basty oppozitsiialyq Respýblikalyq halyqtyq partiiasy (CHP) 23 paiyz daýys jinaǵanyn habarlady.
Kúrdshil Halyqtyq demokratiialyq partiia (HDP) 11,2 paiyz daýys, oppozitsiialyq ultshyl "Jaqsy" partiiasy 10 paiyz daýys jinady.
Túrkiianyń bir palataly parlamentinde 600 oryn bar. Túrkiia zańy boiynsha, parlamentke ótý úshin partiialar keminde sailaýshylardyń 10 paiyz daýsyna ie bolýy tiis.
Resmi málimet boiynsha, prezident pen parlament sailaýyna daýys berý quqyǵy bar sailaýshylardyń 87 paiyzy qatysty.
"Halyq maǵan prezidenttik qyzmet pen basqarýda senim artyp otyr. Sailaýshylarynyń 90 paiyzǵa jýyǵy daýys bergen Túrkiia kúlli álemge demokratiia sabaǵyn úiretti" dedi 64 jastaǵy Erdoǵan Stambýlda jaqtastarynyń aldynda sóilep turyp. Ol azamattarǵa "qai partiiany jaqtaitynyna qaramastan" sailaýǵa qatysqany úshin alǵys bildirdi.
