Foto: yaylahaber.com.tr
Túrkiiada 19 naýryzdan beri jalǵasyp jatqan narazylyqtar kezinde 1 133 adam ustaldy. Bul týraly eldiń ishki ister ministri Ali Erlykaia málimdedi, dep habarlaidy DW.
Túrkiianyń media jáne quqyqty zertteý qaýymdastyǵy (MLSA) málimetinshe, ustalǵandar arasynda on fotograf pen jýrnalist bar.
Euronews habarlaýynsha, DİSK Basin İş kásipodaǵy keminde segiz korrespondent pen fotojýrnalistiń ustalǵanyn málimdedi.
- Jýrnalisterdi únsiz qaldyrý arqyly shyndyqty jasyra almaisyńdar! – delingen kásipodaqtyń X áleýmettik jelisindegi málimdemesinde. Uiym baspasóz ókilderin dereý bosatýdy talap etti.
Buǵan deiin Stambýl meri Ekrem Imamoǵlý ustalǵany týraly habarlanǵan bolatyn. Ol jemqorlyq jáne terrorlyq uiymdardy qoldaý aiyptary boiynsha tergelip jatyr.
Osy oqiǵadan keiin Túrkiianyń ulttyq valiýtasy – lira qunsyzdanyp, tarihi minimýmǵa jetti.
Stambýlda barlyq mitingiler men sherýlerge tyiym salynǵanyna qaramastan, narazylyqtar eldiń birneshe provintsiiasynda jalǵasyp jatyr.
23 naýryzda Ekrem Imamoǵlý Túrkiia prezidenttigine kandidat retinde usynyldy.
