Foto: mk-turkey.ru
Túrkiiadaǵy qazaqstandyqtarǵa kómek kórsetý úshin jedel jeli ashyldy. Bul týraly Syrtqy ister ministrliginiń baspasóz hatshysy Aibek Smadiiarov habarlady.
"QR Syrtqy ister ministrliginde +7 (7172) 72-05-00 nómiri boiynsha jedel jeli ashyldy. Osy telefon arqyly azamattarymyz ben olardyń týystary kómek surai alady. Budan basqa, jaqyn arada Qazaqstannyń Túrkiiadaǵy diplomatiialyq ókildikteriniń shuǵyl bailanystary qosymsha jariialanady.
Barlyq kelip túsken aqparat mindetti túrde qosymsha tekseriledi. Jer silkinisi aimaqtaryndaǵy gýmanitarlyq apatty eskere otyryp, izdeý-qutqarý jumystary biraz ýaqyt alady. Túrkiiadaǵy azamattarymyz týraly qandai da bir aqparaty bolsa nemese týystary bailanysqa shyqpasa, dereý Syrtqy ister ministrligine, joǵaryda kórsetilgen nómirge nemese Túrkiiadaǵy diplomattarymyzǵa habarlaýdy suraimyz", - dedi ol arnaiy brifingide.
Sonymen qatar, Qazaqstannyń Túrkiiadaǵy Bas konsýldyǵynyń saitynda konsýl Temirlan Sailaýulynyń telefon nómiri jariialandy.
