Túrkiianyń Mádeniet jáne týrizm ministrliginiń habarlaýynsha, Túrkiiadaǵy millionnan astam qonaqúi tósekteri turaqty týrizm standarttaryna sáikes tekserilip, sertifikattaryn aldy.
Túrkiianyń Ulttyq turaqty týrizm baǵdarlamasy sheńberinde 1 044 189 tósektik 7 500-den astam qonaqúi turaqty týrizm talaptaryna sáikes sertifikatsiiadan ótti. Jahandyq turaqty týrizm keńesimen seriktestese otyryp daiyndalǵan baǵdarlama boiynsha Túrkiia úkimettik deńgeide kelisimge qol qoiǵan álemdegi alǵashqy el sanalady.
Londondaǵy Dúniejúzilik týristik naryq konferentsiiasynyń alǵashqy kúninde Túrkiianyń Mádeniet jáne týrizm ministri Mehmet Nýri Ersoi myrza: «2023 jyldyń qańtar-qyrkúiek ailary aralyǵynda Túrkiiaǵa kelgen týrister sany 12 paiyzdan astam kórsetkishke artyp, 45 million 230 069 adamǵa jetti. Ulybritaniia – bizdiń negizgi maqsatty naryqtarymyzdyń biri. Biyl 29 qazany men 2 qarashasy aralyǵynda Bodrýmda jyl saiynǵy ABTA týristik konferentsiiasynyń uiymdastyrylýy osyny dáleldeidi. 2023 jyldyń qańtar-qyrkúiek ailary aralyǵynda Túrkiiaǵa 3 157 421 britandyq týrist keldi, bul 2022 jyldyń sáikes kezeńimen salystyrǵanda 12 paiyzǵa artyq. Biz týrizm indýstriiasyn damytýǵa kóp kóńil bólsek te, bolashaq urpaq úshin elimizdiń resýrstaryn saqtaýǵa múddelimiz. Osy oraida, WTM-de jergilikti ónerkásip ókilderimen birige otyryp, biregei týristik baǵyttar men ónimderimizdi usynamyz. Sonymen qatarTuraqty týrizm jónindegi Ulttyq baǵdarlamamyzdyń alǵa qoiǵan maqsattaryna jetý jolynda jyldam ári tiimdi ilgerileýshilik bar. 2023 jyldyń alǵashqy toǵyz aiynda Túrkiiaǵa 45 millionnan astam adam kelgen. Mańyzdy týristik aimaqtaryndaǵy millionnan astam qonaqúi tósekteri turaqty túrde rastalǵan jáne sertifikattalǵan. Túrkiiaǵa sheteldik qonaqtardyń edáýir bóliginiń osy qonaqúilerde demalatynyn kórýge qýanyshtymyz», – dedi.
Túrkiia turaqty týrizmge «mindetti» kózqarasty ustanatyn álemdegi sanaýly elderdiń biri sanalady. Tórt negizgi týristik aimaqtaǵy Ulttyq turaqty týrizm baǵdarlamasynyń oryndalý barysynda Antaliada – 1144, Stambulda – 966, Mýglada – 639 jáne Izmirde 488 nysadary tekserilip, sertifikattaldy.
