Túrkiianyń Izmir qalasynda joǵalyp ketken qazaqstandyq stýdent tabyldy. Bul týraly Qazaqstannyń Ystambuldaǵy Bas konsýldyǵy Telegram-arnasynda málimdedi, - dep habarlaidy Massaget.kz portaly.
Olar dostarymen klýbqa barǵan soń joǵalyp ketken Raýan Darhanulyn 22 qazannan beri izdedi.
"Osy ýaqyt aralyǵynda Bas konsýldyq Izmir gýbernatorymen, Izmir politsiiasymen jáne qazaqstandyqtar arasynan shyqqan eriktilermen joǵalǵan adamdy izdestirdi. Búgin, 28 qazanda ol tabylyp, politsiia bólimine jetkizildi. Onyń qasynda anasy men konsýldyq qyzmetkerler bar", - delingen Bas konsýldyqtyń habarlamasynda.
Vedomstvo ókilderi stýdenttiń qai jerden jáne qandai jaǵdaida tabylǵanyn naqtylamady.
Sondai-aq, Bas konsýldyq keiingi kezderi Túrkiiadaǵy qazaqtarǵa qatysty túrli oqiǵalar jiilep ketkenin habarlady.
"Olardyń ishinde tóbeles, alaiaqtyq, habar-osharsyz ketkender, meditsinalyq jáne tanymdyq týrizm salasyndaǵy oqiǵalar bar. QR SIM el azamattaryn shetelde júrgende barynsha saq bolýdy suraidy", - delingen habarlamada.
Eske salaiyq, buǵan deiin áleýmettik jelilerde joǵalǵan stýdenttiń týystary Raýan Darhanuly men úsh stýdenttiń 22 qazanda keshke Dokýz Eilýl ýniversitetiniń kampýsynan keshki as ishý úshin shyqqanyn habarlaǵan. Raýanmen birge bilim alatyn stýdentterdiń aitýynsha, olar kafeden shyqqan kezde Raýan smartfonnyń joǵalǵanyn túsingen. Smartfonyn izdeý úshin as ishken jerge qaita baryp, oralmaǵan.
