تٷركييانىڭ يزمير قالاسىندا جوعالىپ كەتكەن قازاقستاندىق ستۋدەنت تابىلدى. بۇل تۋرالى قازاقستاننىڭ ىستامبۇلداعى باس كونسۋلدىعى Telegram-ارناسىندا مەلٸمدەدٸ, - دەپ حابارلايدى Massaget.kz پورتالى.
ولار دوستارىمەن كلۋبقا بارعان سوڭ جوعالىپ كەتكەن راۋان دارحانۇلىن 22 قازاننان بەرٸ ٸزدەدٸ.
"وسى ۋاقىت ارالىعىندا باس كونسۋلدىق يزمير گۋبەرناتورىمەن, يزمير پوليتسيياسىمەن جەنە قازاقستاندىقتار اراسىنان شىققان ەرٸكتٸلەرمەن جوعالعان ادامدى ٸزدەستٸردٸ. بٷگٸن, 28 قازاندا ول تابىلىپ, پوليتسييا بٶلٸمٸنە جەتكٸزٸلدٸ. ونىڭ قاسىندا اناسى مەن كونسۋلدىق قىزمەتكەرلەر بار", - دەلٸنگەن باس كونسۋلدىقتىڭ حابارلاماسىندا.
ۆەدومستۆو ٶكٸلدەرٸ ستۋدەنتتٸڭ قاي جەردەن جەنە قانداي جاعدايدا تابىلعانىن ناقتىلامادى.
سونداي-اق, باس كونسۋلدىق كەيٸنگٸ كەزدەرٸ تٷركيياداعى قازاقتارعا قاتىستى تٷرلٸ وقيعالار جيٸلەپ كەتكەنٸن حابارلادى.
"ولاردىڭ ٸشٸندە تٶبەلەس, الاياقتىق, حابار-وشارسىز كەتكەندەر, مەديتسينالىق جەنە تانىمدىق تۋريزم سالاسىنداعى وقيعالار بار. قر سٸم ەل ازاماتتارىن شەتەلدە جٷرگەندە بارىنشا ساق بولۋدى سۇرايدى", - دەلٸنگەن حابارلامادا.
ەسكە سالايىق, بۇعان دەيٸن ەلەۋمەتتٸك جەلٸلەردە جوعالعان ستۋدەنتتٸڭ تۋىستارى راۋان دارحانۇلى مەن ٷش ستۋدەنتتٸڭ 22 قازاندا كەشكە دوكۋز ەيلۋل ۋنيۆەرسيتەتٸنٸڭ كامپۋسىنان كەشكٸ اس ٸشۋ ٷشٸن شىققانىن حابارلاعان. راۋانمەن بٸرگە بٸلٸم الاتىن ستۋدەنتتەردٸڭ ايتۋىنشا, ولار كافەدەن شىققان كەزدە راۋان سمارتفوننىڭ جوعالعانىن تٷسٸنگەن. سمارتفونىن ٸزدەۋ ٷشٸن اس ٸشكەن جەرگە قايتا بارىپ, ورالماعان.
