Foto: aa.com.tr
Túrkiiada joiqyn jer silkinisinen zardap shekkenderge úi berile bastady, - dep habarlaidy Tengrinews.kz saity "Anadolý" agenttigine silteme jasap.
Jańa páterlerdiń kiltin turǵyndarǵa el prezidenti Rejdep Taiyp Erdoǵan tabystaǵan.
"Joiqyn jer silkinisinen keiin 15 kúnnen soń jańa jeke úilerdiń irgetasy qalana bastady. Jalpy 507 myń páter salynady. Onyń 319 myńy biyl beriledi. 60 myńǵa jýyq páterdiń irgetasy qalandy. Jumys toqtaýsyz júrip jatyr. Maqsatymyz - jer silkinisinen zardap shekken turǵyndarǵa barlyq jaǵdaiy jasalǵan, zamanaýi baspana salyp berý", - deidi prezident.
Erdoǵan qaladaǵy infraqurylym da jańaratynyn atap ótti. Onyń sózinshe, bul baǵytta birneshe memlekettik baǵdarlama qabyldanǵan.
Eske salaiyq, biyl 6 aqpanda Túrkiianyń ońtústik-shyǵysynda 7,7 jáne 7,6 baldyq jer silkinisi bolǵan edi. Sońǵy derekter boiynsha, zilzala saldarynan 50 783 adam qaza tapqan.
