فوتو: aa.com.tr
تٷركييادا جويقىن جەر سٸلكٸنٸسٸنەن زارداپ شەككەندەرگە ٷي بەرٸلە باستادى, - دەپ حابارلايدى Tengrinews.kz سايتى "انادولۋ" اگەنتتٸگٸنە سٸلتەمە جاساپ.
جاڭا پەتەرلەردٸڭ كٸلتٸن تۇرعىندارعا ەل پرەزيدەنتٸ رەجدەپ تايىپ ەردوعان تابىستاعان.
"جويقىن جەر سٸلكٸنٸسٸنەن كەيٸن 15 كٷننەن سوڭ جاڭا جەكە ٷيلەردٸڭ ٸرگەتاسى قالانا باستادى. جالپى 507 مىڭ پەتەر سالىنادى. ونىڭ 319 مىڭى بيىل بەرٸلەدٸ. 60 مىڭعا جۋىق پەتەردٸڭ ٸرگەتاسى قالاندى. جۇمىس توقتاۋسىز جٷرٸپ جاتىر. ماقساتىمىز - جەر سٸلكٸنٸسٸنەن زارداپ شەككەن تۇرعىندارعا بارلىق جاعدايى جاسالعان, زاماناۋي باسپانا سالىپ بەرۋ", - دەيدٸ پرەزيدەنت.
ەردوعان قالاداعى ينفراقۇرىلىم دا جاڭاراتىنىن اتاپ ٶتتٸ. ونىڭ سٶزٸنشە, بۇل باعىتتا بٸرنەشە مەملەكەتتٸك باعدارلاما قابىلدانعان.
ەسكە سالايىق, بيىل 6 اقپاندا تٷركييانىڭ وڭتٷستٸك-شىعىسىندا 7,7 جەنە 7,6 بالدىق جەر سٸلكٸنٸسٸ بولعان ەدٸ. سوڭعى دەرەكتەر بويىنشا, زٸلزالا سالدارىنان 50 783 ادام قازا تاپقان.
