Diiarbakyrdaǵy jarylys bolǵan jerden áýege kóterilip jatqan qalyń tútin. Túrkiia, 11 sáýir 2017 jyl.
Túrkiianyń ońtústik-shyǵysyndaǵy Diiarbakyr qalasynda jarylys bolyp, tórt adam jaralandy, - dep habarlady qaýipsizdik organdaryndaǵy derekkózine silteme jasaǵan Reuters agenttigi.
Jarylys aldyn ala málimet boiynsha jergilikti politsiia bóliminiń kólik jóndeitin turaǵynda boldy. Jarylys ornynan áýege qoiý, qalyń tútin kóterilip jatqany baiqalady. Oqiǵa ornyna jedel járdem kólikteri baryp jatyr. Jarylystyń neden bolǵany ázirge belgisiz. Japa shekkender sany anyqtalyp jatyr. Jaralylardyń biriniń aýyr halde ekeni aitylady.
Jarylys kúrdter basym turatyn Diiarbakyrdyń ortalyq Vaglar aýdanynda boldy. Bul aýdanda ótken jyldyń qarashasynda Kúrdistan jumysshy partiiasynyń (nemese PKK) sarbazdary kólikke jasyrylǵan bombany jaryp, ondaǵan adam jaralanǵan edi.
Diiarbakyr - Túrkiianyń ońtústik-shyǵysyndaǵy eń úlken qala, munda PKK otyz jyldan astam ýaqyt boiy táýelsizdik alý úshin ortalyq bilikpen kúresken.
