Túrkiia biyl alǵash ret GSTC turaqty týrizm konferentsiiasyn ótkizýge daiyndalýda. Konferentsiia eldiń týrizm astanasy – Antaliiada 2023 jyldyń 9-12 mamyrynda uiymdastyrylady.
Turaqty týrizm men saiahat úshin jahandyq standarttardy belgileitin jáne osy standarttardy iske asyrýdy qadaǵalaityn Jahandyq Turaqty Týrizm Keńesi (GSTC) biylǵy basqosýǵa Túrkiiany tańdady. GSTC – týrizm men saiahatty damytýdyń jahandyq sharttaryn belgilei otyryp, turaqty damytýdy qamtamasyz etetin kommetsrialyq emes uiym.
Sonymen qatar turaqty týrizmniń eń ózekti máselelerin talqylaý úshin álemdik kóshbasshylarmen túrli sharalardy júzege asyrady. Pandemiiaǵa bailanysty eki jyl qatarynan onlain rejimde ótken konferentsiialar seriiasy byltyr Ispaniianyń Sevilia qalasynda uiymdastyrylǵan. Túrkiia da qatysqan 2022 GSTC Turaqty týrizm konferentsiiasynda 2023 konferentsiiasynyń Túrkiia Týrizmdi alǵa jyljytý jáne damytý agenttigi (TGA) tarapynan bildirilgen usynystan keiin Antaliada ótetini jariialandy. Jiynda qatysýshylar úshin arnaiy daiyndalǵan beinerolik usynylyp, Túrkiianyń Ulttyq turaqty týrizm baǵdarlamasyna arnalǵan ýaqyt bólindi.
