Reina túngi klýbyna qarýly shabýyl kezinde zardap shekken adamdy jedel járdem qyzmetkerleri áketip barady. Stambýl, Túrkiia, 1 qańtar 2017 jyl.
Túrkiianyń Stambýl qalasynda ótken túni Reina klýbyna jasalǵan qarýly shabýyldan keminde 39 adam qaza taýyp, 40-qa jýyǵy jaralanǵan. Bul týraly Túrkiia ishki ister ministri Súleiman Soilý málimdegen.
Ministrdiń sózinshe, mert bolǵandar arasynda 16 shetel azamaty bar. Stambýl meri bul oqiǵany "terakt" dep ataǵan.
Jergilikti basylymdardyń habarlaýynsha, Santa Klaýs bolyp kiingen qarýly adam shabýyl jasaǵan kezde Reina klýbynda júzdegen adam bolǵan.
Stambýldaǵy kóp adamnyń qazasyna sebep bolǵan qaiǵyly oqiǵaǵa bailanysty AQSh prezidenti Barak Obama, Eýropa Odaǵynyń syrtqy saiasat jónindegi joǵarǵy komissary Federika Mogerini jáne NATO uiymynyń bas hatshysy Iens Stoltenberg Túrkiiaǵa kóńil aitqan.
