Túrkiiada eki myńǵa jýyq Qazaqstan azamaty sailaýshy retinde tirkelgen. Olar Ankara, Ystanbul, Antaliia qalalarynda ornalasqan 3 sailaý ýchaskesinde daýys bere alady. Bul týraly «Egemen Qazaqstan» gazetinde jariialanǵan suhbatynda Qazaqstannyń Túrkiiadaǵy Tótenshe jáne ókiletti elshisi Abzal Saparbekuly málim etken.
Aita keteiik, suhbat negizinen Túrkiia men Qazaqstan arasyndaǵy qarym-qatynastyń damý baǵyty jaiynda órbigen. Áńgime barysynda tilshi «9 maýsymda elimizde prezidenttik sailaý ótedi. Osy saiasi is-sharaǵa elshiliktiń daiyndyq jumystary qalai júrip jatyr?» degen saýal qoiady.
«Aldaǵy prezidenttik sailaýdy Túrkiia zor yqylaspen kútip otyr. Sailaýǵa shamamen 11 baiqaýshy keledi. Joǵary sailaý komissiiasynan eki baiqaýshy, EQYU, osy uiymnyń Parlamenttik Assambleiasy, Eýropa keńesi atynan ókilder keledi. Budan bólek, jeke baiqaýshy retinde keletinder bar. Shamamen Túrkiiadan on shaqty baiqaýshy kelmek», - dep atap ótedi elshi Abzal Saparbekuly.
«Qazir Túrkiiada 3 sailaý ýchaskesi bar. Olar Ankara, Ystanbul, Antaliia qalalarynda ornalasqan. Osy úsh qalada da Qazaqstannyń ókildikteri bar. Túrkiiadaǵy eki myńǵa jýyq Qazaqstan azamaty sailaýshy retinde tirkelgen. Elshilik halyqty aqparattandyrý jumystaryn belsendi júrgizip jatyr. Jalpy, sailaýǵa daiyndyq asa joǵary dep aita alamyn» dep túiindeidi áńgimesin elshi.
