تٷركييادا ەكٸ مىڭعا جۋىق قازاقستان ازاماتى سايلاۋشى رەتٸندە تٸركەلگەن. ولار انكارا, ىستانبۇل, انتالييا قالالارىندا ورنالاسقان 3 سايلاۋ ۋچاسكەسٸندە داۋىس بەرە الادى. بۇل تۋرالى «Egemen Qazaqstan» گازەتٸندە جارييالانعان سۇحباتىندا قازاقستاننىڭ تٷركيياداعى تٶتەنشە جەنە ٶكٸلەتتٸ ەلشٸسٸ ابزال ساپاربەكۇلى مەلٸم ەتكەن.
ايتا كەتەيٸك, سۇحبات نەگٸزٸنەن تٷركييا مەن قازاقستان اراسىنداعى قارىم-قاتىناستىڭ دامۋ باعىتى جايىندا ٶربٸگەن. ەڭگٸمە بارىسىندا تٸلشٸ «9 ماۋسىمدا ەلٸمٸزدە پرەزيدەنتتٸك سايلاۋ ٶتەدٸ. وسى ساياسي ٸس-شاراعا ەلشٸلٸكتٸڭ دايىندىق جۇمىستارى قالاي جٷرٸپ جاتىر?» دەگەن ساۋال قويادى.
«الداعى پرەزيدەنتتٸك سايلاۋدى تٷركييا زور ىقىلاسپەن كٷتٸپ وتىر. سايلاۋعا شامامەن 11 بايقاۋشى كەلەدٸ. جوعارى سايلاۋ كوميسسيياسىنان ەكٸ بايقاۋشى, ەقىۇ, وسى ۇيىمنىڭ پارلامەنتتٸك اسسامبلەياسى, ەۋروپا كەڭەسٸ اتىنان ٶكٸلدەر كەلەدٸ. بۇدان بٶلەك, جەكە بايقاۋشى رەتٸندە كەلەتٸندەر بار. شامامەن تٷركييادان ون شاقتى بايقاۋشى كەلمەك», - دەپ اتاپ ٶتەدٸ ەلشٸ ابزال ساپاربەكۇلى.
«قازٸر تٷركييادا 3 سايلاۋ ۋچاسكەسٸ بار. ولار انكارا, ىستانبۇل, انتالييا قالالارىندا ورنالاسقان. وسى ٷش قالادا دا قازاقستاننىڭ ٶكٸلدٸكتەرٸ بار. تٷركيياداعى ەكٸ مىڭعا جۋىق قازاقستان ازاماتى سايلاۋشى رەتٸندە تٸركەلگەن. ەلشٸلٸك حالىقتى اقپاراتتاندىرۋ جۇمىستارىن بەلسەندٸ جٷرگٸزٸپ جاتىر. جالپى, سايلاۋعا دايىندىق اسا جوعارى دەپ ايتا الامىن» دەپ تٷيٸندەيدٸ ەڭگٸمەسٸن ەلشٸ.
