Túrkiianyń joǵarǵy sailaý komissiiasy Stambýl qalasy ákimin sailaý nátijesin joiyp, qaita daýys berý ótkizý týraly sheshim shyǵardy. Sailaý 23 maýsymǵa belgilendi. Bul týraly Anadolu aqparat agenttigi habarlady, dep jazady Azattyq.
Sáýirdiń ortasynda sailaý komissiiasy Stambýl ákimin sailaýda oppozitsiia jaqtaǵy halyqtyq-respýblikalyq partiiasynyń kandidaty "Ekrem Imamoglý jeńiske jetti" dep habarlaǵan. Biliktegi Rejep Taiyp Erdoǵannyń ádildik jáne damý partiiasy 1994 jyldan beri alǵash ret Stambýldaǵy bilikten aiyrylǵan. Keiin Erdoǵannyń jaqtastary sailaýda zań buzyldy dep, daýys berý nátijesin joiýdy talap etken.
Túrkiiada 31 naýryzda mýnitsipaldyq sailaý ótken. Barlyǵy 57 mln adam daýys bergen. Stambýl ákimin sailaýda Ekrem Imamoglý bilik partiiasynyń kandidaty Binali Iyldyrymnan basym túskeni habarlanǵan.
