21-22 qazan 2016 jyly Ankara men Ystambulda Qazaqstan Respýblikasynyń Tótenshe jáne Ókiletti Elshisi Janseiit Túimebaevtyń diplomatiialyq missiiasynyń aiaqtalýyna orai qabyldaý ótti.
Atalmysh sharaǵa Túrkiia Premer-ministr orynbasary Tuǵryl Túrkesh, Túrkiia Prezidenti Baspasóz hatshysy Ibrahim Kalyn, Túrkiia Uly Ulttyq Májilisiniń depýtattary Haliýk Ipek, Ismail Safi, eks-ministr Namyk Kemal Zeibek, Kechióren mýnitsipalitetiniń meri Mustafa Ak, Qazaqstannyń Eńbek Eri Oljas Súleimenov jáne taǵy basqa memlekettik vedomstvalarynyń ókilderi, Túrkiiadaǵy diplomatiialyq mekemelerdiń basshylary men qyzmetkerleri, qazaq diasporasy, buqaralyq aqparat quraldary men kásipkerler qatysty.
Qabyldaý keshine qatysqan laýazymdy qonaqtardyń aldynda sóz alǵan Janseiit Túimebaev Ankarada diplomatiialyq missiiany atqarǵan kezinde qazaq-túrik qarym-qatynasynyń kúsheiýine jáne damýyna qosqan zor úlesi úshin Túrkiia Prezidentine, Túrkiia Úkimetine, Túrkiia Uly Ulttyq Májilisine jáne búkil túrik halqyna rizashylyǵy men alǵysyn bildirdi. «Sondai-aq, meniń diplomatiialyq qyzmetti atqarǵan kezimde ózara túsinistikpen jáne dostyqpen birge jumys istegen diplomatiialyq mekemeleriniń basshylaryna, áriptesterime alǵys aitamyn,» – dedi J.Túimebaev. Elbasy Nursultan Nazarbaevtyń táýelsizdiktiń alǵashqy kúninen bastap, Túrkiia arasyndaǵy qarym-qatynasyna biik deńgeide mán berip, dostyq pen baýyrlastyqty nyǵaitýǵa zor úles qosyp otyrǵandyǵyn atap ótken J.Túimebaev: «Qarqynmen jalǵasyp otyrǵan ekijaqty bailanys qazaq-túrik qarym-qatynasynyń belsendi damýy úshin eń joǵary deńgeidegi myǵym tuǵyrnama bolyp tabylady,» – dedi. Sondai-aq, jańa elshi taǵaiyndalǵannan keiin Túrkiia Úkimetiniń Qazaqstannyń elshiligine qoldaý kórsetetindigine senim bildirdi. Sóz sońynda J.Túimebaev baýyrlas túrik halqyna qonaqjailylyq úshin alǵys aityp, Túrik eline júrekjardy tilekterin jetkizdi.
Sharada sóz alǵan Túrkiia Premer-ministri Tuǵryl Túrkesh: «Janseiit Qanseiitulymen tanysqan kúnnen bastap, baýyrlastyq bailanysymyz biik deńgeide jalǵasty. Eki elge qatysty máseleler boiynsha jii-jii kezdesip otyratynbyz. Tamyrlas qazaq halqynyń qundylyqtaryn tanyta otyryp, baýyrlastyǵymyzdyń nyǵaiýyna úlken septigin tigizdi. Túrkiia Premer-ministriniń arnaiy sálemin jáne quttyqtaý lebizin ózine jetkizdim. Jańa qyzmetine shyn júrekten tabys tileimiz!» – dedi. Al Túrkiia Prezidentiniń arnaiy sálemin jáne quttyqtaýyn jetkizgen Túrkiia Prezidenti Ibrahim Kalyn Elshi Janseiit Túimebaevty jańa qyzmetke taǵaiyndalýymen shyn júrekten quttyqtap: «Janseiit Qanseiituly Túrkiiada qyzmet istegen jyldarynda eki el arasyndaǵy saiasi-ekonomikalyq, mádeni-gýmanitarlyq qarym-qatynastyń damýyna zor úles qosty. Birge tyǵyz bailanysta boldyq. Árine, Túrki dúniesiniń abyzy, Qazaqstan Respýblikasynyń Prezidenti Nursultan Nazarbaevtyń dál osyndai qabilet-qarymy bar elshini taǵaiyndaýy kezdeisoqtyq emes. Ol – shyn máninde Qazaq eline jáne Elbasyǵa adal jan. Onyń jetistigi tek qana eki el arasyndaǵy qarym-qatynasty damytýynda emes, ásirese sońǵy kezderde aimaqtyq máseleler boiynsha birge óte tyǵyz jumys istedik. Osy múmkindikti paidalana otyryp, ózine shyn júrekten rizashylyǵymyzdy jetkizemiz,» – dep alǵys aitty.
Túrkiia Premer-ministr orynbasary Tuǵryl Túrkesh pen Túrkiia Prezidenti Baspasóz hatshysy Ibrahim Kalyn Túrkiia Úkimeti úiinde Elshi J.Túimebaevty qabyldap, alǵys hatpen marapattady.
Shara barysynda Qazaqstannyń Túrkiiadaǵy elshiliginde túrik kásipkerlerge arnalǵan «Ońtústik Qazaqstan oblysynyń investitsiialyq múmkindikteri» atty konferentsiia ótti. Konferentsiiada Elshi J.Túimebaev Ońtústik Qazaqstan oblysynyń ivestitsiialyq múmkindikteri týraly aqparat berip, Túrkiianyń beldi-bedeldi kásipkerlerimen kelissózder júrgizdi. Jiynǵa qatysqan biznes ókilderi men óndiris salasynyń belgili investorlary Qazaqstanmen bailanysty kúsheitetindikterin jetkizdi.
