Foto: Sabah.com.tr
Túrkiiadaǵy taý shańǵysy kýrortynda bolǵan órtten 78 adamnyń qaza tabýyna bailanysty júrgizilgen tergeý aiasynda 15 adam kúdikti dep tanyldy, dep habarlaidy Ult.kz, Stan.kz aqparat agenttigine silteme jasap. Bul týraly Sabah basylymy málimdegen.
Sabah gazetiniń málimetinshe, kúdiktiler arasynda Bolý mýnitsipaliteti meriniń orynbasary Sedat Giýlener jáne órt sóndirý basqarmasy basshysynyń orynbasary Kenan Djoshkýn bar. Bes kúdikti sot aldyna keldi.
2025 jyldyń 25 qańtarynda Túrkiia prezidenti Rejep Taiip Erdoǵan eldiń sot júiesi bul oqiǵanyń barlyq qyr-syryn anyqtaý úshin bar kúshin salyp jatqanyn jáne múldem kúmán qalmaýy úshin jumys júrgizilip jatqanyn málimdedi. Sondai-aq ol órtke qatysty "saiasi pikirtalas" jasaǵandarǵa ar-uiatqa júginýdi shaqyrdy.
Órt 21 qańtarǵa qaraǵan túni Bolý qalasyndaǵy Kartalkaia taý shańǵysy kýrortyndaǵy Grand Kartal qonaq úiin sharpydy. Órt saldarynan 78 adam qaza tapty.
Eske salaiyq, buǵan deiin 22 qańtarda Túrkiiada Ulttyq aza tutý kúni jariialandy. Qazaqstan Prezidenti Qasym-Jomart Toqaev Túrkiia prezidenti Rejep Taiip Erdoǵanǵa kóńil aitty.
.jpg)
