Túrkiianyń ǵarysh agenttigi eldi tehnologiialyq damýdyń jańa deńgeiine shyǵaratyn, ǵarysh ekonomikasy salasynda jańa múmkindikter ashatyn baǵdarlamany ázirledi. Bul týraly búgin Anadoly agenttigi redaktorlarynyń dóńgelek ústeli barysynda Túrkiianyń ónerkásip jáne tehnologiialar ministri Mustafa Varank málim etti, dep habarlaidy Anadoly agenttigi.
Vedomstvo basshysynyń aitýynsha, ǵarysh baǵdarlamasyn iske asyrý jekelegen eldiń adami kapitaly men qarjy múmkindikterine ǵana bailanysty emes.
Munda kóptegen máseleniń sheshimin jeńildete alatyn saiasi qoldaý mańyzdy, dep atap ótti Varank.
«Ulttyq ǵarysh baǵdarlamasy Túrkiiany maksimaldy qosylǵan quny bar ónimdi shyǵaratyn kóshbasshylar qataryna shyǵarady. Bul baǵdarlama – búkil eldiń namysy», - dedi ministr.
Ministrlik basshysy Túrkiianyń ǵaryshtaǵy birinshi azamaty áiel adam bolýyn el prezidenti Rejep Taiyp Erdoǵannyń ózi qalaitynyn atap ótti.
Biz orbitaǵa bul missiia úshin eldiń eń laiyqty turǵynyn jiberemiz, dep atap ótti ol.
Varank túrik injenerleri jasaǵan tehnologiialardyń ǵaryshtyń zerttelýine úles qosatynyn atap ótti.
Ol Túrkiianyń ǵarysh ekonomikasy salasynda mańyzdy oiynshy bolatynyna senim bildirdi.
Sondai-aq ministr Túrkiianyń ǵarysh salasynda úsh elmen yntymaqtastyq týraly kelisimge qol qoiǵanyn habarlady.
Budan bólek, Pákistan jáne Ázerbaijan elderimen kelisim ázirlenip, kóp uzamai olarǵa da qol qoiylady.
