Foto: KazTAG
Erbaian Muhtar Túrkiiadaǵy emniń kelesi kezeńin aiaqtap, elge oraldy – bul týraly zańger Inga Imanbai habarlady.
Zańger Inga Imanbaidyń habarlaýynsha, Erbaian Muhtar Túrkiiada emniń kezekti kezeńin aiaqtap, Astanaǵa aman-esen oraldy. Onyń qazirgi jaǵdaiy turaqty dep baǵalanýda.
Dárigerlerdiń aitýynsha, em tolyq áser etýi úshin keminde úsh ai ýaqyt qajet. Osy sebepti úsh aidan keiin Erbaian qaitadan Stambýlǵa baryp, reabilitatsiialyq kezeńdi jalǵastyrady.
Erbaiannyń ata-anasy jáne zańdy ókilderi barlyq qoldaý bildirgen jandarǵa alǵys bildirdi. Emge barý múmkindigi halyqtyń qoldaýynyń, Densaýlyq saqtaý ministri Aqmaral Álnazarovanyń der kezinde járdem kórsetýiniń jáne ushý máselesin sheshýge kómektesken general Qairat Úmbetovtyń qolǵabysynyń arqasynda múmkin bolǵany atap ótildi.
Inga Imanbaidyń aitýynsha, eki ret shetelde em alý — úlken eńbek pen janashyrlyqtyń nátijesi. Jaraqatynyń aýyrlyǵyna bailanysty oń ózgerister birden baiqalmai otyr. Degenmen bul – dárigerler de, otbasy da túsinetin qalypty protsess.
Soǵan qaramastan, Erbaian ózine laiyqty ómir súrý úshin kúresin jalǵastyryp keledi. Jaqyndary men janashyrlardyń qoldaýy oǵan úlken kúsh berýde.
