Búgin Almatyda qazaqtyń klassik aqyn-jazýshylarynyń Túrkiiada basyp shyǵarylǵan kitap-albomdarynyń qala kitaphanalaryna tabystaý rásimi ótti, dep habarlaidy QazAqparat.
Is-shara barysynda Qazaqstan Respýblikasy Táýelsizdiginiń 30 jyldyǵyna orai Halyqaralyq «TÚRKSOI» uiymy shyǵarǵan qazaqtyń klassik aqyn-jazýshylarynyń 24 kitap-albomynyń 2 000-ǵa jýyq danasy Almaty qalasynyń kitaphanalaryna tartý etildi. Onyń ishinde úsh tilde jariialanǵan «Abai», «Úsh Arys», «Oljas Sýleimenov», «Shyńǵys Aitmatov», «Qalam men qaǵazdyń mahabbaty» syndy kitaptar bar.
«TÚRKSOI uiymynyń Bas hatshysy Dúisen Qaseiinovtiń bastamasymen osyndai bastamany qolǵa aldyq. Bul tek Almaty qalasynda ǵana emes elimizdiń ózge de óńirlerinde jalǵasyn tabady. Aldaǵy josparymyzda Qaraǵandy qalasy bar» - dedi elimizdiń TÚRKSOI-daǵy ókili Baqytjan Omar.
Aita keteiik, Almatyda ótken is-sharaǵa «TÚRKSOI» uiymyndaǵy Qazaqstan Respýblikasynyń ókilderi jáne elimizdiń shyǵarmashylyq ziialy qaýymy qatysty.
