Túrkiia soty Wall Street Journal jýrnalisi Aila Albairakqa shyǵarǵan úkimin joidy. Bul týraly jýrnalistiń ózi Twitter-degi paraqshasynda habarlady, dep jazady centralasian.org portaly.
Aila Albairak 2017 jyly qazan aiynda "terrorizmdi nasihattady" degen aiyppen eki jylǵa sottalǵan edi. Jýrnalist 2015 jyly Túrkiianyń ońtústik-shyǵysyndaǵy kúrd toptarynyń qyzmeti týraly jazǵan maqalasynan keiin isti bolǵan.
Albairak Túrkiiamen qosa Finliandiia azamattyǵyn alǵan. Ol isti bolmas buryn AQSh-qa ketip qalyp, túrmeden aman qalǵan. Keiin jýrnalist sot úkimine apelliatsiialyq shaǵym túsirgen. Sot ony osy shaǵymy boiynsha aqtap otyr.
Túrkiiada 2016 jyly áskeri tóńkeris jasaý áreketi basyp-janshylǵan soń el prezidenti Rejep Taiyp Erdoǵan 100-ge jýyq gazet pen jýrnal jáne 30-dan astam telearnanyń qyzmetine tyiym salǵan. Túrkiiada 2018 jyldyń jazyndaǵy esep boiynsha, arasynda Eýropa Odaǵynyń azamattary bar - 140-tan astam jýrnalist túrmede otyrǵan.
