Túrkiia prezidenti Erdoǵan HAMAS basshysymen kezdesti. Izrail taraby muny masqara dep atady
Keshe, 19 sáýirde HAMAS saiasi biýro basshysy Haniia Túrkiiaǵa kelgen. Al búgin ol Erdoǵanmen kezdesý ótkizgen.
Búgingi kezdesýde ne talqylanǵanyn "Haber" arnasy jazdy. Munda da Gaza sektoryndaǵy jaǵdai men gýmanitarlyq kómek talqylanǵan.
Otyrysta Izraildiń palestinalyq jerlerge jasap jatqan shabýyly talqylanǵan. Erdoǵan bul kezdesýde batyl málimdemeler jasady: Izrail isine jaýap beredi dedi, Palestina táýelsiz memleketin qurý týraly aitty.
Túrkiia prezidenti palestinalyqtardy Izraildiń HAMAS-qa qarsy soǵysy kezinde birigýge shaqyrdy.
"Palestinalyqtardyń bul protseste birkelki áreket etýi óte mańyzdy. Izrailge eń kúshti jaýap jáne jeńiske jetý joly birlik pen tutastyqta jatyr", - dedi ol.
Osy tusta Izraildiń syrtqy ister ministri Kats musylman qaýymyna úndeý jasady.
"Musylman baýyrlar: zorlyq, qyrǵyn, máiitti qorlaý, sábilerdi órteý. Erdoǵan, myna isiń masqara!" - dedi ol.
.jpg)