Sársenbi kúni Túrkiianyń Mersin provintsiiasynda «Akkýiý» Atom-elektr stantsiiasynyń úshinshi energoblogynyń fýndamentin qalaý rásimi ótti. Oǵan videokonferentsiia rejiminde Túrkiia jáne Resei basshylary Rejep Taiyp Erdoǵan men Vladimir Pýtin qatysty, dep habarlaidy "Ult aqparat".
Anadoly agenttiginiń jazýynsha, Túrkiianyń Energetika ministri Fatih Donmez «Akkýiý» AES jobasy Túrkiia Respýblikasy tarihyndaǵy eń iri energetikalyq joba dep atady. Onyń aitýynsha, AES qyzmeti 60 jylǵa eseptelgen. Bul, qorshaǵan ortaǵa zalaldy azaitýǵa jáne Túrkiianyń elektr energiiasyna suranysynyń 10 paiyzyn jabady. Joba tolyq qýatyna shyqqanda AES-te 4 myń adam jumys isteitin bolady.
TASS agenttiginiń habarlaýynsha, Jerorta teńiziniń jaǵalaýynan oryn tepken «Akkýiý» AES-in «Rosatom» memlekettik korporatsiiasy salyp jatyr.
Resei Prezidenti Rosatom atalmysh AES qurylysynda anaǵurlym zamanaýi ári senimdi tehnologiialardy paidalanýda. «Beibit atom salasynda moiyndalǵan kóshbasshy bolyp tabylatyn Rosatom stantsiia qurylysy barysynda anaǵurlym ozyq injenerlik sheshimderdi, ekonomikalyq tiimdi jáne senimdi tehnologiialardy qoldanyp otyr. Bul rette, qaýipsizdiktiń eń joǵary standarttary men tabiǵat qorǵaýdyń eń qatań talaptary saqtalýdy», - dedi Pýtin.
RF basshysynyń sózinshe, qazir qurylys alańyndaǵy personal sany 8 myńnan asyp jyǵylady. Olardyń deni – túrik azamattary. «Akkýiý AES-inde bolashaq stantsiianyń tehnikalyq personalyn oqytý boiynsha Rosatom ortalyǵy jumys istep tur. Al reseilik JOO-larda Túrkiia úshin injener-atomshylar daiarlanýda».
Eske salaiyq, Mersin provintsiiasynda «Akkýiý» AES-in salý jáne onyń eksplýatatsiiasy boiynsha yqpaldastyq jónindegi Resei men Túrkiia arasyndaǵy úkimetaralyq kelisim 2010 jyly jasalǵan bolatyn.
Atom-elektr stantsiiasy árqaisysy 1200 MVt-ty quraityn 4 energobloktan turady.
1-energoblogtyń fýndamenti Mersin provintsiiasynyń Giýlnar aýmaǵynda 2018 jyldyń 3 sáýirinde qalandy, al ekinshi energoblok – 2020 jyldyń sáýirinde.
Al 3-energobloktyń qurylysyna litsenziia ótken jyldyń qarasha aiynda berilgen.
«Akkýiý» AES «sal – ielik et – eksplýatatsiiala» modeli boiynsha iske asyrylyp jatqan álemdik atom salasyndaǵy alǵashqy joba.
AES-tiń 1-energoblogyn Túrkiia Respýblikasynyń 100 jyldyǵy atap ótiletin – 2023 jyly iske qosý josparlanǵan. Qalǵan 3 blok 2026 jylǵa deiin arasyna bir jyl salyp, qyzmetine kirisetin bolady.
«Akkýiý» atom-elektr stantsiiasy qorshaǵan ortaǵa ziiandy parnikti gazdardy bólmeidi, shyǵaryndylar mqlsheri nólge teń bolady.
