Singapýr biligi koronavirýs infektsiiasyn juqtyrǵandar sanynyń ósýine bailanysty birqatar elderden kelgen adamdar úshin mindetti karantindi 21 kúnge deiin uzartty.
Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanaly habarlady.
Avstraliia, Brýnei, Qytai, Jańa Zelandiia, sondai-aq Gonkong, Makao men Taivannan kelgen týristerge bul talap qoldanylmaidy. Ótken aptada Singapýr úkimeti Bangladesh, Úndistan, Nepal, Pákistan jáne Shri-Lankadan kelgen sheteldikterdiń kirýine tolyqtai tyiym saldy.
Túrkiiadaǵy qoldanystaǵy lokdaýn sharttary 7 mamyrdan bastap kúsheitiledi, dúkenderde tek negizgi azyq-túlik, gigiena quraldary men úi janýarlaryna arnalǵan taǵamdar saýdasyna ruqsat etiledi.
Buǵan deiin Túrkiia prezidenti koronavirýstyń kúrdeli jaǵdaiyna bailanysty elde 29 sáýirden 17 mamyrǵa deiin tolyq lokdaýn jariialaǵan bolatyn. IIM-nen basqa barlyq uiymdar men mekemeler qyzmetin toqtatty. Qalaaralyq saparlarǵa bilikten ruqsat alǵannan keiin ǵana shyǵýǵa bolady. Sheteldik týristerge komendanttyq saǵat qoldanylmaidy.
AQSh basshylyǵy 4 shildede atap ótiletin Táýelsizdik kúnine orai eldiń eresek turǵyndarynyń 70%-ne COVID-19-ǵa qarsy vaktsinasyn salmaq. AQSh Prezidenti Djo Baiden vaktsinanyń alǵashqy dozasymen el turǵyndarynyń jartysynan kóbi qamtylýy kerek, al 160 million amerikalyq koronavirýsqa qarsy vaktsinatsiianyń tolyq kýrsynan ótýi qajet dedi. Baiden bul maqsatqa qol jetkizý úshn AQSh-ta 60 kúnde 100 million vaktsinatsiia jasalý kerek atap ótti. Bul eldiń qalypty ómirge oralýyna múmkindik beredi dedi ol.
Ulybritaniia biligi kúzge qarai 50 jastan asqan azamattarǵa qysta aýrýdyń kóbeiýine jol bermeý úshin úshinshi Sovid-19 vaktsinasyn engizýdi usynady. Qazir Ulybritaniianyń Bas sanitariialyq dárigeriniń basshylyǵymen vaktsinalardyń eki nusqasy synaqtan ótkizilýde. Birinshi nusqa koronavirýstyń jańa shtamdarymen kúresýge baǵyttalǵan. Ekinshi nusqa retinde elde maquldanǵan úsh preparattyń bireýi tańdalýy múmkin. Qysqa merzimde kóp adamdy ekpemen qamtý úshin Ulybritaniia úkimetiniń sheshimi boiynsha vaktsinanyń eki dozasyn engizý arasyndaǵy aralyq úsh aptadan úsh aiǵa deiin ulǵaityldy.
