Túrkiia investorlary Almaty qalasynda farmatsevtikalyq zaýyt salýǵa qarjy bóledi. Bul jónindegi kelisimge QR Densaýlyq saqtaý ministri Ajar Ǵiniiattyń Túrkiiada ótkizgen kezdesýi barysynda qol jetkizildi, dep habarlaidy QazAqparat.
QR Densaýlyq saqtaý ministri Ajar Ǵiniiat Qazaqstan Prezidenti Qasym-Jomart Toqaevtyń Túrkiia Respýblikasyna memlekettik sapary aiasynda Nobel Ilac farmatsevtikalyq kompaniiasynyń basshysy Hasan Ýlýsamen birlesken jobalar boiynsha kezdesý ótkizdi.
«Densaýlyq saqtaý salasyndaǵy ekijaqty yntymaqtastyqty odan ári jandandyrý, sondai-aq seriktestik qarym-qatynastarymyzdyń tabysty kórsetkishi, ol búgingi kúni Almaty qalasynda ekinshi farmatsevtikalyq zaýyt salý jónindegi yntymaqtastyq týraly kelisimge qol qoiý bolyp tabylady», - dedi Ǵiniiat kezdesýde.
Ministr biyl farmatsevtikalyq ónim shyǵarý boiynsha «Nobel AFF» AQ birlesken qazaqstandyq zaýytynyń qurylǵanyna týra 20 jyl tolatynyn eske saldy.
Nobel Ilac kompaniiasy qoldanystaǵy óndiristi jańǵyrtýǵa jáne keńeitýge, sondai-aq Almaty qalasynda ekinshi farmatsevtikalyq zaýyt salýǵa qosymsha 55 mln dollar investitsiialaýdy josparlap otyr.
Qazirgi ýaqytta jobalaý-smetalyq qujattar jáne tehnikalyq-ekonomikalyq negizdeme ázirlenip jatyr. Olardy 2022 jylǵy birinshi jartyjyldyqtyń sońyna deiin aiaqtaý jáne 2025 jylǵy jeltoqsanda tolyq aiaqtai otyryp, jobany kezeń-kezeńimen iske asyrýǵa kirisý josparlanýda.
Sapar barysynda Densaýlyq saqtaý ministri Ajar Ǵiniiat Almaty qalasynda farmatsevtikalyq preparattardy óndirý boiynsha osy attas kompaniianyń basshysy Zeinep Atabaimen ekijaqty kelisimge qol qoidy.
Ministrdiń aitýynsha, atalǵan kásiporyn biregei dárilik zattar men meditsinalyq buiymdardyń otandyq óndirisin damytýǵa, otandyq farmatsevtikalyq ónimniń eksporttyq áleýetin arttyrýǵa, sondai-aq ǵylymi jáne kadrlyq áleýetti nyǵaitýǵa múmkindik beredi.
Qol qoiylǵan Kelisim aiasynda ATABAY KIMYA SANAYI TICARET kompaniiasy zaýyt qurylysyna 10 mln AQSh dollar investitsiialaýdy josparlap otyr. Jobany iske asyrý merzimi 2023 jyldyń sońyna deiin, jańa jumys oryndarynyń sany 200-ge jetedi.
