Túrkiiada dollarsyzdandyrý saiasaty aiasynda budan bylai eldegi barlyq tender tek túrik lirasymen ǵana júrgiziledi, dep habarlaidy Haberler basylymy Túrkiia jekeshelendirý máseleleri boiynsha ákimshiligine silteme jasap.
Tek endi qolǵa alynatyn tenderler emes, sonymen qatar qazir kelisimsharty daiyndalyp jatqan tenderlik saýda da tek ulttyq valiýtamen eseptesetin bolady.
Stambýl birjasy 2 jeltoqsan kúni barlyq operatsiiany liramen júrgizip, jinalatyn qordy da tek ulttyq valiýtamen saqtaý týraly sheshim qabyldaǵan edi.
Prezident Erdoǵan budan sál erterek el azamattaryn tek túrik lirasymen ǵana jumys istep, artyq aqshany da óz valiýtalarynda saqtaýǵa shaqyrǵan.
Sonymen qatar Túrkiianyń saýda palatasy da atalǵan bastamaǵa qosyldy. Vedomstva basshysy Ibragim Chaǵlardyń aitýynsha, el aýmaǵynda saýda palatasy tek túrik lirasyn qoldanbaq.
Esterińizge sala keteiik, birer kún buryn Erdoǵan Túrkiianyń Reseimen, Qytaimen jáne Iranmen aradaǵy saýdasynda tek osy memleketterdiń valiýtasy qoldanylatynyn málimdegen edi.
