Túrkiia áskeri Siriianyń sotústik-batysyndaǵy kúrdter turatyn Afrin aimaǵynda bastaǵan áskeri operatsiiasynyń úshinshi kúni birneshe eldi mekendi basyp aldy. Túrkiialyq BAQ-tyń habarlaýynsha, Ankara kúrd jasaqtaryn basyp alǵan bekinisterinen tyqsyryp shyǵarmaq, dep jazady Azattyq.
22 qańtarda Túrkiia siriialyq kóterilisshilerdiń kómegimen Afrin aimaǵynyń biraz jerine baqylaý ornatty.
Túrkiia prezidenti Rejep Taiyp Erdoǵan Reseimen kelissóz júrgizip jatqan kezde de shabýyl báseńsimeitinin málimdedi. Onyń sózinshe, bul áskeri operatsiia "Reseidiń kelisimimen júrgizilip jatyr".
Ankara kúrd politsiiasyn Túrkiiada 30 jyldan astam ýaqyt avtonomiia alý úshin kúres júrgizip kele jatqan Kúrdistan jumysshy partiiasynyń odaqtasy sanaidy. AQSh basqaratyn koalitsiia quramynda "Islam memleketi" ekstremistik uiymymen soǵysqan kúrd militsiiasy "Kúrdistan jumysshy partiiasymen" tikelei bailanysy baryn joqqa shyǵarady.
