Túrkistannyń ejelgi sáýlettik kelbeti qalpyna keltiriledi. Bul týraly Parlament Májilisinde týristik salany damytýǵa arnalǵan Úkimet saǵatynda Mádeniet jáne sport ministri Arystanbek Muhamediuly málim etti, dep habarlaidy QazAqparat tilshisi.
«Túrkistan boiynsha TOP-10 týristik karta nysandary aiasynda jumystar júrgizilýde. Memleket basshysy aityp ótkendei: «Túrkistan ejelden beri birtutastyq fýnktsiiasyn joǵaltqan joq. Bul túrkitildes elderdi biriktirýdiń negizi bolyp tabylady». Osyǵan bailanysty qalany damytýdyń sáýlettik tujyrymdamasy týristik múddeniń magniti bolyp tabylatyn Qoja Ahmet Iasaýi kesenesiniń ainalasyndaǵy Jibek joly dáýiriniń ejelgi ulylyǵynyń túpnusqalyq beinelerin qalpyna keltirýge baǵyttalǵan», - dedi ministr.
Onyń sózine qaraǵanda, Túrkistan Túrki áleminiń mádeni-rýhani astanasy ǵana emes, sonymen qatar búkil álemde tanymal elimizdiń brendi bolýy tiis.
.jpeg)