Túrkistanǵa qonys aýdarǵan oblystyq Densaýlyq saqtaý basqarmasynyń qyzmetkerlerine materialdyq kómek pen ystyq tamaq berilýde. Bul týraly búgin atalǵan basqarma basshysy Muqan Egizbaev BAQ ókilderimen kezdesý barysynda málimdedi, dep habarlaidy QazAqparat.
Muqan Keńesbekulynyń sózinshe, basqarma qyzmetkerleri búginde Túrkistan qalalyq aýrýhanasy ǵimaratynyń birinshi qabatyna qonys tepken. Qazirgi tańda basqarmadaǵy kabinetter internetke qosylyp, telefon, kompiýterlermen jabdyqtalǵan. Al, qyzmetkerler Túrkistanǵa ornyǵyp, balalaryn mektepter men balabaqshalarǵa ornalastyryp jatyr.
«Túrkistan qalasyna qonys aýdarǵan Densaýlyq saqtaý basqarmasy qyzmetkerlerine páteraqy retinde ai saiyn 81 myń teńgeden beriledi. Qyrkúiek aiynan bastap ekologiialyq ziiandy aimaq retinde jalaqylaryna 20 paiyz aqsha qosylady. Mamandardyń kóship-qonýyna bailanysty materialdyq kómekti de jasap jatyrmyz. Budan bólek, tús mezgilinde bir mezgil ystyq tamaq tegin tamaq beriledi. Ondai jaǵdai basqa eshbir basqarmada joq. Sondai-aq ákimdik tarapynan qoldaý kórsetilip, jergilikti tasymaldaýshy kompaniia senbi, jeksenbi kúnderi Shymkentke qaitatyn qyzmetkerlerdi arzan baǵamen aparyp, dúisenbige deiin alyp keledi», - dedi Muqan Egizbaev.
Sonymen qatar, Túrkistanǵa qonys aýdarǵan qyzmetkerler úshin kópqabatty úilerdiń qurylysy júrip jatyr. Keler jyly bul baspanalar paidalanýǵa berilgende Densaýlyq saqtaý basqarmasynyń mamandary da turǵyn úimen qamtylmaq.
