تٷركٸستانعا قونىس اۋدارعان وبلىستىق دەنساۋلىق ساقتاۋ باسقارماسىنىڭ قىزمەتكەرلەرٸنە ماتەريالدىق كٶمەك پەن ىستىق تاماق بەرٸلۋدە. بۇل تۋرالى بٷگٸن اتالعان باسقارما باسشىسى مۇقان ەگٸزباەۆ باق ٶكٸلدەرٸمەن كەزدەسۋ بارىسىندا مەلٸمدەدٸ, دەپ حابارلايدى قازاقپارات.
مۇقان كەڭەسبەكۇلىنىڭ سٶزٸنشە, باسقارما قىزمەتكەرلەرٸ بٷگٸندە تٷركٸستان قالالىق اۋرۋحاناسى عيماراتىنىڭ بٸرٸنشٸ قاباتىنا قونىس تەپكەن. قازٸرگٸ تاڭدا باسقارماداعى كابينەتتەر ينتەرنەتكە قوسىلىپ, تەلەفون, كومپيۋتەرلەرمەن جابدىقتالعان. ال, قىزمەتكەرلەر تٷركٸستانعا ورنىعىپ, بالالارىن مەكتەپتەر مەن بالاباقشالارعا ورنالاستىرىپ جاتىر.
«تٷركٸستان قالاسىنا قونىس اۋدارعان دەنساۋلىق ساقتاۋ باسقارماسى قىزمەتكەرلەرٸنە پەتەراقى رەتٸندە اي سايىن 81 مىڭ تەڭگەدەن بەرٸلەدٸ. قىركٷيەك ايىنان باستاپ ەكولوگييالىق زيياندى ايماق رەتٸندە جالاقىلارىنا 20 پايىز اقشا قوسىلادى. مامانداردىڭ كٶشٸپ-قونۋىنا بايلانىستى ماتەريالدىق كٶمەكتٸ دە جاساپ جاتىرمىز. بۇدان بٶلەك, تٷس مەزگٸلٸندە بٸر مەزگٸل ىستىق تاماق تەگٸن تاماق بەرٸلەدٸ. ونداي جاعداي باسقا ەشبٸر باسقارمادا جوق. سونداي-اق ەكٸمدٸك تاراپىنان قولداۋ كٶرسەتٸلٸپ, جەرگٸلٸكتٸ تاسىمالداۋشى كومپانييا سەنبٸ, جەكسەنبٸ كٷندەرٸ شىمكەنتكە قايتاتىن قىزمەتكەرلەردٸ ارزان باعامەن اپارىپ, دٷيسەنبٸگە دەيٸن الىپ كەلەدٸ», - دەدٸ مۇقان ەگٸزباەۆ.
سونىمەن قاتار, تٷركٸستانعا قونىس اۋدارعان قىزمەتكەرلەر ٷشٸن كٶپقاباتتى ٷيلەردٸڭ قۇرىلىسى جٷرٸپ جاتىر. كەلەر جىلى بۇل باسپانالار پايدالانۋعا بەرٸلگەندە دەنساۋلىق ساقتاۋ باسقارماسىنىڭ ماماندارى دا تۇرعىن ٷيمەن قامتىلماق.
