قازاقستاننىڭ حالىق ەرتٸسٸ ديماش قۇدايبەرگەن پولشادا ٶتكەن كونتسەرتٸندە جاڭا ەندەرٸن تانىستىرىپ, ەرەكشە ساحنالىق قويىلىمدارىمەن كٶرەرمەندەردٸ تەنتٸ ەتتٸ, دەپ حابارلايدى ult.kz.
18 قازاندا كراكوۆ قالاسىنداعى Tauron Arena ساحناسىندا ەنشٸنٸڭ DIMENSIONS اتتى جاڭا ەلەمدٸك تۋرىنىڭ العاشقى كونتسەرتٸ ٶتتٸ. اۋقىمدى كەشكە ەلەمنٸڭ تٷكپٸر-تٷكپٸرٸنەن مىڭداعان جانكٷيەر جينالدى.
ديماش كونتسەرتٸن قازاق تٸلٸندەگٸ "Dimensions" ەنٸمەن اشتى. ٶنەر يەسٸ جاڭا تۋرعا ارنايى بٸرنەشە شىعارما دايىنداعان. ولاردىڭ باسىم بٶلٸگٸنٸڭ مۋزىكاسىن ٶزٸ جازعان. سونداي-اق كەشتە ٸنٸسٸ مانسۇر قۇدايبەرگەننٸڭ "Release My Soul" تۋىندىسى العاش رەت ورىندالدى.
كونتسەرتتٸڭ ەسەرلٸ سەتتەرٸنٸڭ بٸرٸ – ساحنادا ديماشتىڭ بالا كٷنٸندەگٸ جەنە ەگدە جاستاعى بەينەلەرٸنٸڭ كٶرسەتٸلۋٸ بولدى. ەنشٸ ەكرانداعى ٶز بەينەلەرٸمەن بٸرگە "ٶمٸر" ەنٸن ورىنداپ, كٶرەرمەندەرگە ەرەكشە قويىلىم ۇسىندى.
كەش بارىسىندا ديماش مولدوۆادان كەلگەن تيمۋر ەسٸمدٸ كٸشكەنتاي جانكٷيەرٸن ساحناعا شاقىردى. بالا ەنشٸمەن بٸرگە "S.O.S" جەنە "ليۋبوۆ ۋستاۆشيح لەبەدەي" ەندەرٸنەن ٷزٸندٸ ورىندادى. ال پولياك جانكٷيەرلەرٸ ٶنەر يەسٸنە ٶز تٸلدەرٸندە "مەن سٸزدەردٸ جاقسى كٶرەمٸن" دەپ ايتۋدى ٷيرەتتٸ.
ەلەمدٸك ساحنادا قازاقتىڭ ۇلتتىق ٶنەرٸ دە دەرٸپتەلدٸ. ديماش "اقەركە", "تاۋ ٸشٸندە", "دۋرداراز" حالىق ەندەرٸن شىرقاپ, دومبىرا مەن قوبىزدىڭ ٷنٸن حالىقارالىق اۋديتوريياعا جەتكٸزدٸ.
كونتسەرت سوڭىندا ەنشٸ جانكٷيەرلەرٸنە العىس ايتىپ, كەلەسٸ كەزدەسۋلەرگە شاقىردى.
ايتا كەتەيٸك, DIMENSIONS ەلەمدٸك تۋرى اياسىندا ديماش سەگٸز ەلدٸڭ 11 قالاسىندا 12 كونتسەرت ٶتكٸزۋدٸ جوسپارلاعان. پولشاداعى كەشتەن كەيٸن ەنشٸ گەرمانييا, يسپانييا, مەكسيكا, كولۋمبييا, چيلي, پەرۋ جەنە يندونەزييادا ٶنەر كٶرسەتپەك.
ديماش قۇدايبەرگەن كٸم?
ديماش قۇدايبەرگەن – قازاقستاندىق ەنشٸ, كومپوزيتور, قازاقستاننىڭ حالىق ەرتٸسٸ جەنە حالىقارالىق دەڭگەيدە تانىلعان ٶنەر يەسٸ. ول 1994 جىلى 24 مامىردا اقتٶبە قالاسىندا دٷنيەگە كەلگەن. تولىق اتى-جٶنٸ – دٸنمۇحاممەد قاناتۇلى قۇدايبەرگەن. ەكەسٸ قانات ايتباەۆ پەن اناسى سۆەتلانا ايتباەۆا دا مۋزىكا سالاسىندا ەڭبەك ەتكەن. ديماش بالا كەزٸنەن مۋزىكاعا قىزىعىپ, ۆوكال جەنە اسپاپتا ويناۋ باعىتىندا بٸلٸم العان. ول اقتٶبەدەگٸ احمەت جۇبانوۆ اتىنداعى مۋزىكالىق كوللەدجدە وقىعان. كەيٸن قازاق ۇلتتىق ٶنەر ۋنيۆەرسيتەتٸندە بٸلٸمٸن جالعاستىرعان. 2015 جىلى بەلارۋستەگٸ "سلاۆيان بازارى" حالىقارالىق بايقاۋىندا باس جٷلدەنٸ جەڭٸپ الدى.
2017 جىلى قىتايداعى Singer مۋزىكالىق جوباسىنا قاتىسىپ, ەكٸنشٸ ورىن يەلەندٸ. وسى جوبادان كەيٸن ونىڭ تانىمالدىعى حالىقارالىق دەڭگەيدە ايتارلىقتاي ارتتى. ەنشٸ قازاق, ورىس, اعىلشىن, فرانتسۋز جەنە باسقا دا تٸلدەردە شىعارمالار ورىندايدى.
ونىڭ رەپەرتۋارىندا "S.O.S d'un terrien en détresse", "ۇمىتىلماس كٷن", "اققۋىم" جەنە "Stranger" سيياقتى ەندەر بار. ديماش جوعارى جەنە تٶمەن رەگيسترلەردٸ قامتيتىن كەڭ داۋىس دياپازونىمەن ەرەكشەلەنەدٸ. 2023 جىلى وعان قازاقستاننىڭ حالىق ەرتٸسٸ اتاعى بەرٸلدٸ. بٷگٸندە ديماش قۇدايبەرگەن ەلەمنٸڭ تٷرلٸ ەلدەرٸندە كونتسەرت ٶتكٸزٸپ, قازاق مۋزىكاسىن حالىقارالىق ساحنادا تانىستىرىپ جٷر.
