Foto: Gov.kz
Endi Túrkistan óńiriniń turǵyndary Ulybritaniia, Qatar, Ońtústik Koreia elderinde zańdy túrde jumysqa ornalasa alady. Búgin óńirimizge arnaiy kelgen Ulybritaniianyń Qazaqstandaǵy Elshisi Keti Lich Túrkistan oblysynyń ákimi Darhan Satybaldymen kezdesken bolatyn, dep habarlaidy «Ult aqparat».
Sodan keiin BUU Kóshi-qon agenttiginiń Qazaqstandaǵy Missiiasynyń basshysy, Ortalyq Aziia boiynsha úilestirýshisi Serhan Aktoprak jáne Túrkistan oblysy ákiminiń orynbasary Beisenbai Tájibaevpen birge shetelderde jumysqa ornalastyrýdy oqytatyn «Aldyn ala daiarlyq ortalyǵynyń» saltanatty ashylýyna qatysty.
Ortalyq jumys izdeýshilerge maǵlumattar men keńester berý, til úiretý, qaýipsiz kóshi-qondy qamtamasyz etý, saparǵa daiyndaý, tájiribe arttyrý, jalpy jan-jaqty qoldaý kórsetý maqsatynda quryldy.
Ókilder áýeli oblystyq «Eńbek mobildiligi ortalyǵynyń» qyzmeti men jumysyn bastaǵan oqý ortalyǵy kabinetterimen tanysty. Shetelde jumys isteýge nietti azamattarmen tildesti. Sondai-aq «Ortalyq Aziiadan Ulybritaniiaǵa maýsymdyq jumysshylardyń qaýipsiz kóshi-qony» jobasy aiasynda «Shetelde jumys isteýge nietti azamattardy aldyn ala daiarlaý ortalyǵy» taqyrybyndaǵy jiynda bastamanyń mańyzdylyǵy aityldy.
– QR Eńbek jáne halyqty áleýmettik qorǵaý ministrligi jáne Qazaqstandaǵy Halyqaralyq kóshi-qon uiymynyń bastamasymen, Túrkistan oblysy ákimdiginiń qoldaýymen memleketkaralyq igi jobalar júzege asyrylmaq. Pilottyq joba ázirge Qazaqstannyń 3 aimaǵynda qolǵa alynyp, oǵan halqy tyǵyz ornalasqan Túrkistan óńiri de enip otyr. Túrkistan óńirinde qazirgi tańda 2,2 millionǵa jýyq halyq turady. Onyń 850 myńy eńbekke qabiletti. Alaida 46%-y ózi-ózi jumyspen qamtyǵandar sanatyna kiredi. Sondyqtan biz úshin jumyssyzdyqty azaitý mańyzdy baǵyt. El azamattary kóp jaǵdaida til meńgermegennen, baratyn eldiń Zańdaryn bilmegendikten, alaiaq ári senimsiz kompaniialardyń áserinen túrli kedergiler men qatelikterge ushyraityny jasyryn emes. Bul bastama arqyly shetelden aldyn ala suranystardy jáne bos vakansiialar aldyn ala belgilenedi. Osy ortalyqtyń ashylýyna orai alǵashqy toptardy oqytý bastaldy. Eńbekshi-migranttardyń quqyqtary men ál-aýqatyn qorǵaý, kóshi-qonnyń qaýipsiz ári senimdi júrgizilýi, qatysýshylardyń bilimin jetildirý, ózge de resýrstarmen qamtýdy úilestirý jumystary oblystyq «Eńbek mobildiligi ortalyǵyna» mindettelip otyr. Árine elshilikpen birlese atqarýǵa tiispiz. Óńir turǵyndary osyndai múmkindikti paidalanǵany abzal, – dedi Beisenbai Dáýletuly.
Keti Lich arnaiy eńbek utqyrlyǵy ortalyǵynyń senim telefonyn iske qosý, mamandardy keshendi oqytý jáne qajetti jabdyqtarmen qamtý keregin jetkizdi. Statistikalyq derekterdi de ortaǵa saldy.
– Sońǵy jyldary bizdiń maýsymdyq jumyskerler baǵdarlamasy boiynsha Ulybritaniiaǵa keletin qazaqstandyqtardyń sany aitarlyqtai ósti. 2019 jyly maýsymdyq jumyskerdiń vizasyn 4 adam alǵan bolsa, 2024 jyldyń I jartyjyldyǵynda 4400-den asqan. Biz úmitkerlerdiń Ulybritaniiada ómir súrý men jumys isteýdiń oń tájiribesi bar ekenine kóz jetkizýge basymdyq beremiz. Ol úshin osyndai mamandandyrylǵan kóshpeli daiyndyq aqparattyq ortalyǵynyń ashylýyn quptaimyz, - dedi Ulybritaniianyń Qazaqstandaǵy Elshisi.
Al, Serhan Aktoprak kóshpeli daiyndyq jumyskerlerdiń jańa ortaǵa tezirek beiimdelýine yqpal jasaitynyn atap ótti. Bul tájiribe Qyrǵyzstan, Tájikstan, Túrikmenstan jáne Ózbekstan elderinde qoldanysqa ie. Ortalyq Aziia elderiniń úzdiksiz ekonomikalyq ilgerileýine, jumyssyzdyqty azaitýǵa, seriktestikti nyǵaitýǵa jáne dúniejúzilik migratsiialyq qozǵalystarǵa septigi mol.
Sheteldik qonaqtar munan keiin QR Prezidenti janyndaǵy memlekettik basqarý Akademiiasynyń Túrkistan oblysy boiynsha filialynda trenerlerdi daiarlaý dárisiniń alǵashqy sessiiasyna kýá boldy. Respýblikanyń ár óńirinen jinalǵan qatysýshylarmen erkin pikir almasyp, suhbattasty.
