Túrkistan oblysynyń turǵyndary Elbasy Nursultan Nazarbaevtyń Joldaýy halyqtyń áleýmettik jaǵdaiyn jaqsartýǵa baǵyttalǵan dep qabyldady.
Oblystyń qurmetti azamaty, halyqaralyq «Alash» ádebi syilyǵynyń iegeri Rahym Balabiev Joldaýdyń «Qazaqstandyqtardyń ál-aýqatynyń ósýi: Tabys pen turmys sapasyn arttyrý» dep atalýynyń ózi memlekettiń osy baǵyttan tanbaǵanyn kórsetedi dep otyr.
«Ult kóshbasshysy bul joly halyqtyń turmysyn sapalyq turǵyda múlde jańa deńgeige kóteretin tamasha bastamalar kóterdi. Bir ǵana aýyz sý jáne jergilikti jerlerge qatysty tapsyrmasyna oi júgirtip kórińizshi. Bul jóninde N.Nazarbaev «2015 jyldan bastap, 3 jylda respýblika boiynsha 2 400 shaqyrym avtojol salyndy jáne jóndeýden ótkizildi. Bul jumystar jalǵasady jáne 2020 jylǵa deiin qosymsha taǵy 4 600 shaqyrym jol salynady jáne jóndeledi» deidi. Sondyqtan, Joldaýda qamtylǵan máseleler qarapaiym qazaqstandyqtardyń ómirin jaqsarta túsetin sheshimder ekeni daýsyz», - deidi Qazaqstan Jazýshylar Odaǵynyń múshesi.
Prezidenttiń tapsyrmasyna sáikes, jergilikti joldardyń qurylysyna bólinetin qarjynyń kólemi 150 mlrd teńgege, al, aýyldy jerlerde halyqty taza sýmen qamtýǵa qarastyrylǵan qarajat 100 mlrd teńgege ulǵaiady.
«Eldegi azamattardyń turmysy jaqsarǵan saiyn onyń erteńgi kúnge degen senimi arta túsedi. Halyqtyń senimi men birligi bekem bolsa, Elbasy aitqandai, Qazaqstannyń baǵyndyrar biikteri áli alda», - deidi halyqaralyq «Alash» ádebi syilyǵynyń iegeri.
.jpeg)