Qazaqstan politsiiasynyń 30 jyldyǵyna orai Túrkistan oblysy Politsiia departamenti jańa kóliktermen tolyqty, dep habarlaidy «Ult aqparat» oblys ákimdiginiń baspasóz qyzmetine silteme jasap.
Túrkistan qalasyndaǵy tikushaq alańynda ótken saltanatty sharaǵa Túrkistan oblysynyń ákimi Darhan Satybaldy men Túrkistan oblystyq Politsiia departamentiniń bastyǵy politsiia general-maiory Murat Qabdenov pen jeke quram qyzmetkerleri qatysty. Oblys ákimi tártip saqshylaryn quttyqtady.
«Búgin ózderińizben qýanyshty sátte jolyǵyp turmyz. Oblystyń tártip saqshylarynyń avtoparki jańarýda. Memleket basshysy Qasym-Jomart Toqaev quqyq qorǵaý organdarynyń áleýmettik jáne materialdyq-tehnikalyq bazasyn nyǵaitýdy tapsyrǵan bolatyn. Bul baǵyta Túrkistan oblysynda naqty jumys bar. Qazirgi tańda Túrkistan qalasynda Politsiia departamentine arnalǵan jańa ǵimarattyń qurylysy aiaqtalýǵa jaqyn. Elde tynyshtyqty saqtaýda, Túrkistandy túletýde sizderdiń de qosar úlesterińiz mol. Sondyqtan halyqqa odan da sapaly qyzmet kórsetýlerińiz úshin Sizderge sý jańa kólikter tapsyrylýda. Jumystaryńyzǵa abyroi men sáttilik tileimin», – dedi Darhan Satybaldy.
Jyl basynan beri Túrkistan óńiriniń politsiia qyzmetkerlerine 252 jańa qyzmettik kóliktiń kilti tabystaldy. Sonyń birqatary búgingi saltanatty jiynda tártip saqshylaryna usynyldy. Atap aitsaq, QR IIM men jergilikti ákimdiktiń qoldaýymen óńirdiń patrýldik politsiia qyzmetkerleri – 94 birlik, ýchaskelik politsiia inspektorlary – 64 birlik, ýaqytsha ustaý izoliatory – 12 birlik, aýdandardyń tergeý bólimi – 17 birlik, kezekshi bólimder – 20 birlik qyzmettik avtokóliktermen qamtamasyz etildi. Sondai-aq qala, aýdandarǵa avtobýstar men avtozaktar úlestirildi. Tártip saqshylaryna berilgen temir tulparlar tutastai zamanaýi quraldarmen jabdyqtalǵan. Dybys kúsheitkish qondyrǵysy men ratsiiasy bar. JPS júiesi arqyly kólikterdiń qai baǵytta júrgeni ortalyqtan baqylanady. Saltanatty sharada oblys ákimi Politsiia departamenti bólimsheleriniń materialdyq-tehnikalyq bazasyn nyǵaitý maqsatynda tiimdi sharalar qabyldanǵanyn atap ótip, quttyqtaý sózin sóiledi.
Oblystyń bas politseii M.Qabdenov: «Politsiia qyzmetkerlerin materialdyq-tehnikalyq jabdyqtaý – qylmystyń sanyn azaitýǵa septigin tigizýde. Osy rette aldaǵy ýaqytta Prezident pen Ishki ister ministriniń tapsyrmalary men nusqaýlarynyń sapaly oryndalaryna senim bildiremin. Servistik politsiiany júzege asyryp, jurtqa jaqyn bolý maqsatyndaǵy jumystar odan ári jandanatyn bolady», dep is-sharany túiindedi. Saltanatty rásim jańa tehnikanyń sherýi jáne jeke quramnyń saptyq baiqaýymen aiaqtaldy.
