Túrkistan oblysynyń politseileri malyn izdep shyǵyp, jardan qulap 5 saǵattai jatyp qalǵan turǵyndy qutqardy, dep habarlaidy PD baspasóz qyzmeti.
Qazyǵurt APB kezekshi bólimine jergilikti turǵynnan keshki ýaqytta malyn izdep shyqqan 60 jastaǵy anasynyń birneshe saǵattan beri iz-túzsiz joq bolyp ketkeni jóninde habarlama kelip túsedi. Atalǵan aqparat barysynda sol aimaqqa belgilengen ýchaskelik politsiia inspektory politsiia maiory Aspandiiar Jaiyn tez arada qamdanyp, joǵalǵan turǵynnyń úiine jetedi.
Politseidiń anyqtaýynsha, 1958 jylǵy turǵyn siyry kelmegen soń, keshki saǵat 18:00 shamasynda ózi izdep shyǵyp ketken. Aradan birneshe saǵat ótken. Buǵan alańdaǵan uly politsiiaǵa habar bergen.
Malyn izdep shyqqan jergilikti turǵyndy politseilermen qatar kórshileri, aǵaiyn-týystary da birlesip izdeýge shyqty. Túngi saǵat 23:30 shamasynda áieldi taýyp aldy. Ol mal jaiylymyna bararda 3 metr tereńdiktegi jardan aiaǵy taiyp, qulap ketken. 5 saǵattan astam ýaqyt ornynan tura almai, sol jerde jatyp qalǵan.
Oqiǵa ornyna tez arada jedel-járdem shaqyrtylyp, aqjaýlyqty ana aýrýhanaǵa jatqyzyldy.
