تٷركٸستان وبلىسىنىڭ پوليتسەيلەرٸ مالىن ٸزدەپ شىعىپ, جاردان قۇلاپ 5 ساعاتتاي جاتىپ قالعان تۇرعىندى قۇتقاردى, دەپ حابارلايدى پد باسپاسٶز قىزمەتٸ.
قازىعۇرت اپب كەزەكشٸ بٶلٸمٸنە جەرگٸلٸكتٸ تۇرعىننان كەشكٸ ۋاقىتتا مالىن ٸزدەپ شىققان 60 جاستاعى اناسىنىڭ بٸرنەشە ساعاتتان بەرٸ ٸز-تٷزسٸز جوق بولىپ كەتكەنٸ جٶنٸندە حابارلاما كەلٸپ تٷسەدٸ. اتالعان اقپارات بارىسىندا سول ايماققا بەلگٸلەنگەن ۋچاسكەلٸك پوليتسييا ينسپەكتورى پوليتسييا مايورى اسپاندييار جايىن تەز ارادا قامدانىپ, جوعالعان تۇرعىننىڭ ٷيٸنە جەتەدٸ.
پوليتسەيدٸڭ انىقتاۋىنشا, 1958 جىلعى تۇرعىن سيىرى كەلمەگەن سوڭ, كەشكٸ ساعات 18:00 شاماسىندا ٶزٸ ٸزدەپ شىعىپ كەتكەن. ارادان بٸرنەشە ساعات ٶتكەن. بۇعان الاڭداعان ۇلى پوليتسيياعا حابار بەرگەن.
مالىن ٸزدەپ شىققان جەرگٸلٸكتٸ تۇرعىندى پوليتسەيلەرمەن قاتار كٶرشٸلەرٸ, اعايىن-تۋىستارى دا بٸرلەسٸپ ٸزدەۋگە شىقتى. تٷنگٸ ساعات 23:30 شاماسىندا ەيەلدٸ تاۋىپ الدى. ول مال جايىلىمىنا باراردا 3 مەتر تەرەڭدٸكتەگٸ جاردان اياعى تايىپ, قۇلاپ كەتكەن. 5 ساعاتتان استام ۋاقىت ورنىنان تۇرا الماي, سول جەردە جاتىپ قالعان.
وقيعا ورنىنا تەز ارادا جەدەل-جەردەم شاقىرتىلىپ, اقجاۋلىقتى انا اۋرۋحاناعا جاتقىزىلدى.
