QMDB Túrkistan oblystyq ókildiginiń uiymdastyrýymen qaladaǵy «Juma» meshitiniń jamaǵaty birigip kóp balaly otbasyǵa baspana syilady, dep habarlaidy "Ult aqparat" QMDB-nyń Túrkistan oblystyq ókildigine silteme jasap.
Shańyraq iesin quttyqtai barǵan oblys imamy jaqsy jańalyq jetkizdi. QMDB tarapynan atqarylatyn 4 baǵyttyń biri qaiyrymdylyq ekendigin, ótken jyly imamdardyń aralasýymen osy tapsyrma aiasynda oblys boiynsha 12 baspana berilgenin, Túrkistan qalasynda 2 órtengen úige járdem jetkizilgenin atap ótip, aldaǵy jyly taǵy bir otbasyǵa baspana əperý josparda baryna toqtaldy, Musabek Aqtamberdi. Sondai-aq, igi iske atsalysyp, qaiyrymdylyq etken «Juma» meshitiniń jomart jamaǵatyna bereke tiledi.
Al, 6 balasymen dalada qaldyrmai, otaý tartý etken jurtshylyqqa Gúlnaz Qudaibergenqyzy: «Balalarymmen qansha jyl páterden páter kóship, kóp qiyndyq kórip qinaldym. Endi mine Allaǵa shúkir bul kúnge de jettik. Barsha járdemshi bolǵan azamattarǵa Alla Taǵala razy bolsyn», - dep aqjarma tilegin jaýdyrdy.
Qýanyshqa ortaqtasyp kelgen aqsaqaldar aq batasyn berip, imamdar men jergilikti jamaǵatqa rizashylyqtaryn bildirdi. Quran oqylyp, dəstúrge sai shúkirshilik dastarhany jaiyldy.
