قمدب تٷركٸستان وبلىستىق ٶكٸلدٸگٸنٸڭ ۇيىمداستىرۋىمەن قالاداعى «جۇما» مەشٸتٸنٸڭ جاماعاتى بٸرٸگٸپ كٶپ بالالى وتباسىعا باسپانا سىيلادى, دەپ حابارلايدى "ۇلت اقپارات" قمدب-نىڭ تٷركٸستان وبلىستىق ٶكٸلدٸگٸنە سٸلتەمە جاساپ.
شاڭىراق يەسٸن قۇتتىقتاي بارعان وبلىس يمامى جاقسى جاڭالىق جەتكٸزدٸ. قمدب تاراپىنان اتقارىلاتىن 4 باعىتتىڭ بٸرٸ قايىرىمدىلىق ەكەندٸگٸن, ٶتكەن جىلى يمامداردىڭ ارالاسۋىمەن وسى تاپسىرما اياسىندا وبلىس بويىنشا 12 باسپانا بەرٸلگەنٸن, تٷركٸستان قالاسىندا 2 ٶرتەنگەن ٷيگە جەردەم جەتكٸزٸلگەنٸن اتاپ ٶتٸپ, الداعى جىلى تاعى بٸر وتباسىعا باسپانا əپەرۋ جوسپاردا بارىنا توقتالدى, مۇسابەك اقتامبەردٸ. سونداي-اق, يگٸ ٸسكە اتسالىسىپ, قايىرىمدىلىق ەتكەن «جۇما» مەشٸتٸنٸڭ جومارت جاماعاتىنا بەرەكە تٸلەدٸ.
ال, 6 بالاسىمەن دالادا قالدىرماي, وتاۋ تارتۋ ەتكەن جۇرتشىلىققا گٷلناز قۇدايبەرگەنقىزى: «بالالارىممەن قانشا جىل پەتەردەن پەتەر كٶشٸپ, كٶپ قيىندىق كٶرٸپ قينالدىم. ەندٸ مٸنە اللاعا شٷكٸر بۇل كٷنگە دە جەتتٸك. بارشا جەردەمشٸ بولعان ازاماتتارعا اللا تاعالا رازى بولسىن», - دەپ اقجارما تٸلەگٸن جاۋدىردى.
قۋانىشقا ورتاقتاسىپ كەلگەن اقساقالدار اق باتاسىن بەرٸپ, يمامدار مەن جەرگٸلٸكتٸ جاماعاتقا ريزاشىلىقتارىن بٸلدٸردٸ. قۇران وقىلىپ, دəستٷرگە ساي شٷكٸرشٸلٸك داستارحانى جايىلدى.
