Túrkistan oblysynda aýyl sharýashylyǵy salasy ókilderin qoldaý baǵytyndaǵy jumystar kúsheitilip jatyr, dep habarlaidy «Ult aqparat» oblys ákimdiginiń baspasóz qyzmetine silteme jasap.
Atap aitsaq, fermerlerge «OŃTÚSTIK» AIO jáne «Yrys» mikroqarjy uiymdarynan kóktemgi egis jumystaryn júrgizýge jeńildetilgen qarjyny 2022 jyldyń jeltoqsan aiynan bastap alýǵa múmkindik usynylyp otyr.
Jyl saiyn «OŃTÚSTIK» AIO enshiles uiymy «Yrys» MQU-men «Agrarlyq nesie korporatsiiasy» AQ arqyly tartylǵan qarajat esebinen kóktemgi egis jumystaryn júrgizýdi qarjylandyratyny belgili.
Jyl saiyn qarajat jinaý kóktemgi kezeńde júzege asyrylady. Iaǵni, fermerler óz qarajattaryn tek kóktem mezgilinde alyp keldi. Bul Qazaqstannyń basqa óńirlerine qaraǵanda kóktemgi egis jumystary erterek bastalatyn ońtústik óńirlerdiń agrariileri úshin qolaisyz boldy.
Jeńildetilgen nesieleýdiń tiimdiligin arttyrý maqsatynda aýyl sharýashylyǵy taýaryn óndirýshiler úshin úlken jumys atqaryldy. Nátijesinde Agrarlyq nesie korporatsiiasynan jyldyń jeltoqsan aiynda agrarlardy qarjylandyratyn qarajat maquldandy.
Jeńildetilgen nesieler berý protsesin jedeldetý úshin qarajat alýǵa nietti aýyl sharýashylyǵy taýaryn óndirýshilerdiń aldyn ala tizimi jasaldy. Budan basqa, óńirdiń aýyl sharýashylyǵy taýaryn óndirýshiler qyzmetiniń tiimdiligin arttyrý maqsatynda egis tuqymdarynyń elitalyq sorttaryn satyp alýǵa qarjylandyrý josparlanýda. Sondai-aq, áleýmettik mańyzy bar azyq-túlik taýarlaryna jáne bir alańnan 2-3 ónim alýǵa basym boldy.
Kompaniia mamandarynyń aitýynsha, «OŃTÚSTIK» AIO «Yrys» MQU-men birlesip, 2023 jylǵy kóktemgi egis jumystaryna 4,3 mlrd. teńge somany igerýdi josparlap otyr.
Esterińizge sala keteiik, 2022 jyly jalpy egis kólemi 67,4 myń gektar jerdegi 813 joba qarjylandyrylyp, sharýalarǵa 3,9 mlrd. teńge berildi.
