Toǵyz joldyń torabynda ornalasqan Túrkistannyń aýqymdy resýrstyq bazasy, adami kapitaly men týristik áleýeti túrki elderin biriktiretin «TURAN» arnaiy ekonomikalyq aimaǵyn qurýǵa qolaily. Bul jóninde oblystyq Investitsiia jáne eksport basqarma basshysynyń orynbasary Nurgúl Abdrazaqova bastaǵan delagatsiia Ózbekstan Respýblikasynyń investorlarymen kezdesýinde atap ótti.
Atalmysh aimaqtyń ereksheligi men múmkindikteri, jeńildikteri tanystyrylǵan soń Horezm oblysy ákimdigi men Túrkistan oblysy delagatsiiasy arasynda saýda-ekonomikalyq jáne mádeni-gýmanitarlyq salalary boiynsha yntymaqtastyq jóninde memorandýmǵa qol qoiyldy. Horezm jáne Ferǵana oblystarynda ornalasqan toqyma ónerkásipteriniń áleýetimen tanysqan túrkistandyq delegatsiia ókilderi investorlarǵa - Túrkistan oblysynda kásiporyn ashýǵa jasalǵan múmkindikter men jeńildikterdi tanystyrdy.
Úrgench jáne Ferǵana qalalarynda ornalasqan «UrTex CARPETS», «Urgench Cluster Group», «Urgench Baxmal», «Gurlan Global Teks», «Uztex Shovot» jáne «Fergana Global Textile» tigin fabrikalary, sonymen qatar, «Oltyn Vody», «Qoqan CHARIM» teri óńdeý kásiporyn basshylarymen kezdesý arqyly Túrkistan oblysynda biznes áleýetin keńeitýge bolatyndyǵy jaiynda sóz boldy. Kezdesý sońynda qos tarap birlesken syndarly jumysy arqyly Qazaqstan men Ózbekstan arasyndaǵy strategiialyq seriktestik pen jan-jaqty áriptestikti nyǵaitýǵa óz yqpalyn tigizetindikterine senim bildirdi.
Aita keteiik, elimizde toqyma óndirisinde negizgi úlesti Túrkistan oblysyna (31%) jáne Shymkent qalasy (25%) tiesili. Dástúrli túrde maqta Túrkistan oblysynda ósiriledi. Tiisinshe, maqta óńdeý kásiporyndary negizinen ońtústik óńirde shoǵyrlanǵan.
