Astanada «AMANAT» partiiasynyń qoldaýymen Qazaqstan múgedekter konfederatsiiasy uiymdastyrǵan «Jan shýaq» qoǵamdyq syilyǵynyń laýreattaryn marapattaý rásimi ótti.
«AMANAT» partiiasynyń tóraǵasy Erlan Qoshanov «Jan shýaq» syilyǵyn ótkizý erekshe qajettilikteri bar myńdaǵan adam úshin jańa múmkindikterge jol ashqan igi dástúrge ainalǵanyn atap ótti.
Partiia tóraǵasynyń aitýynsha, 15 jyl ishinde «Jan shýaq» syilyǵy múmkindigi sheksiz jandarǵa qýanysh syilap keledi. Synaqqa tózip, qiyn-qystaý joldan ótken olar búginde kómekke muqtaj jandarǵa ózderi qol ushyn sozýda.
«Erekshe qajettilikteri bar jandarǵa qoldaý kórsetý jumysy árqashan Memleket basshysy Qasym-Jomart Toqaevtyń basty nazarynda. El Prezidentiniń bastamasymen Áleýmettik kásipkerlik boiynsha arnaiy jobalar iske qosylyp, erekshe qajettilikteri bar jandardyń quqyqtaryn qorǵaý úshin ombýdsmen institýty qurylýda», – dedi E.Qoshanov.
Qazaqstan múgedekter konfederatsiiasynyń prezidenti, Májilistegi «AMANAT» fraktsiiasynyń múshesi Janat Omarbekovanyń aitýynsha, bul syilyqtyń basty maqsatynyń biri – erekshe qajettilikteri bar jandardyń tulǵalyq damýy úshin jańa múmkindikterge jol ashýǵa kómektesý, olardyń alǵa jyljýǵa jáne qoǵamǵa paida ákelýge degen umtylysyn qoldaý.
Aitýly baiqaýda Túrkistan oblysy, Kentaý qalasynyń turǵyny Erlan Ábdiev «Kúshti jigeri jáne jeńiske talpynysy úshin» syilyǵynyń iegeri atandy. Ol múmkindigi shekteýli jandarǵa qarym-qatynas etikasy jáne sitýatsiialyq kómek kórsetý boiynsha oqytý treningterin uiymdastyrǵan. Ár atalym boiynsha jeńimpazdarǵa baǵaly syilyq tapsyryldy.
