Respýblika kúnine orai, Ulytaý jerinde ótken ónerli jastardyń saiysynda Túrkistan oblysynyń Assambleia jastary top jardy.
14-16 qazan aralyǵynda Jezqazǵan qalasynda Qazaqstan halqy Assambleiasynyń «Bir el» tarihi-aǵartýshylyq jastar jobasy ótti. Birlikke úndegen bul sharaǵa «Assambleia jastary» RQB Túrkistan oblystyq ókildiginiń jastary da qatysty.
QR AQDM «Qoǵamdyq kelisim» mekemesi uiymdastyrǵan is-sharanyń maqsaty Qazaqstanda turatyn etnostardy «birligimiz áralýandyqta» qaǵidasy boiynsha birtutas ultqa biriktirý. Sondai-aq jastardyń tarihqa qyzyǵýshylyǵyn arttyryp, kóshbasshylyq qasietterin damytý. Osy baǵyt boiynsha Áýlietaý taýynyń eteginde bir shańyraq astynda ýyq biriktirilip, kiiz úi tigildi.
Jobaǵa Ulytaý oblysy ákiminiń orynbasary G. Qusmanǵali, QR Parlamenti Májilisiniń depýtaty V. Nábiev, QR Senaty apparaty basshysynyń orynbasary M. Spotkai, «Elbasy akademiiasy» korporativtik qorynyń basqarýshy direktory M. Jumanbai, «Assambleia jastary» RQB tóraǵasy T. Djýmýrbaev, astanalyq ózbek etnomádeni ortalyǵynyń tóraǵasy Sh.Pýlatov, «Assambleia jastary» RQB óńirlik shtabtarynyń, respýblikalyq jastar uiymdarynyń, aimaqtyq etnomádeni birlestikterdiń ókilderi, eriktiler t.b belsendi jastar qatysty.
Osy is-sharada «Jaidarman» oiyny boiynsha uiymdastyrylǵan «Dostyq» kýbogynda Túrkistan oblysynyń jastar quramasy júldeli III orynǵa ie bolyp, syilyqpen marapattaldy. Respýblikalyq óner dodasyna túrli etnos ókilderinen quralǵan komandalar qatysty. Saiysta top jarǵan oblystaǵy Assambleiasy jastarynyń jeńisimen Túrkistan oblysy qoǵamdyq damý basqarmasynyń basshysy Ańsar Óserbaev quttyqtap, tilektestigin bildirdi. Júldeli úshinshi oryn ielengen jastar ózderiniń ónerine qoldaý jasap, Ulytaý oblysyna baryp qaitýǵa qamtamasyz etken Túrkistan oblysy qoǵamdyq damý basqarmasy «Qoǵamdyq kelisim»mekemesi ujymyna zor alǵystaryn jetkizdi.
Aita keteiik, úsh kúndik is-shara barysynda ár óńirden jiylǵan jastar tarihi oryndarǵa saiahat jasady. Budan bólek sheberlik sabaqtary men treningter, motivatsiialyq kezdesýler de ótti. Jastar kóshpeli ekskýrsiiada kóńilge túigenderin ortaǵa salyp, pikir almasty.
