Túrkistandaǵy "Əziret Sultan" qoryq-mýzeiiniń qory 114 jədigermen tolyqty. «Mýzeige syi» aktsiiasy aiasynda qala turǵyndary men qonaqtary əkelgen jádigerler el nazaryna usynyldy, dep habarlaidy QazAqparat tilshisi.
Elbasy N.Á.Nazarbaev «Bolashaqqa baǵdar: rýhani jańǵyrý» maqalasynda: «Ata babalarymyzdan mura bolyp qalǵan keń baitaq jerimizdi, tarihi-mádeni qundylyqtarymyzdy, tarihymyzdy, izgi qasietterimizdi saqtap jáne de jańǵyrtýymyz qajet. Óitkeni urpaq sanasynda ulttyq rýh máńgi qalýǵa tiis» dep, tarihi jədigerler mańyzdylyǵy men qorǵaý máselesin basa aitqan bolatyn.
Osy oraida, qoryq-mýzeiinde arnaiy kórme uiymdastyrylyp, onda mýzei janashyrlary tarihi, etnografiialyq baǵyttaǵy kóne dúnielerin kórmege əkeldi. Osylaisha murajai jalpy qory 114 jádigermen tolyqty. Ata-babadan mura bolyp,saqtalyp kele jatqan qundy dúnielerdi mýzeige tabystaýshylar arasynda Túrkistan qalasynyń turǵyny «Ájeler» ansambliniń múshesi, qalada ótetin is-sharalardyń belsendi qatysýshysy Jaqsygúl Tólentaeva da bar. Ol mýzeige etnografiialyq jáne bonistikalyq baǵyttaǵy jalpy sany 30-ǵa jýyq zat tapsyrdy.
Aita keteiik, "Əziret Sultan" qoryq-mýzeii ashylǵanda nebəri 300 jádigerden quralǵan qundylyqtar qory qazirgi kúnde 24082 jádigerge jetken.
"Kórme ekspozitsiiasynda Elbasy N.Á.Nazarbaevtyń mýzeige syiǵa tartqan quran kitabynan bastap shetel basshylarynyń tartýlary da bar. Sonymen qatar elimizdiń qoǵam qairatkerleri, áýesqoi arheolog, mýzei qyzmetkerleri jáne qarapaiym halyqtyń kúndelikti turmysta qoldanǵan etnografiialyq, arheologiialyq jáne jazba eskertkishteri de kezdesedi. Jyl saiyn ótip otyratyn aktsiia aiasynda Memleket jáne qoǵam qairatkeri Ózbekáli Jánibekovtiń uly Baýyrjan Jánibekov ákesiniń jeke kitaphana qoryndaǵy 18 dana kitapty tabystaǵan bolatyn. Tabystalǵan kitaptar - sheteldik biregei ádebiet týyndylary. Mýzei isi men otandyq óner salasyna qatysty ərbir kitapta Ózbekáli Jánibekovtiń óz qoltańbasy bar" - deidi mádeni ordanyń qyzmetkerleri.
