Túrkistanda salynyp jatqan «Hazret Sultan» áýejaiy Ginester kitabyna engizilýi múmkin. Bul týraly oblys ákiminiń orynbasary Sáken Qalqamanov óziniń facebook paraqshasynda aitty, dep habarlaidy "Ult aqparat".
Oblys ákimi orynbasarynyń aitýynsha, atalǵan áýejaidyń qúrylysy jóninen dúniejúzinde jyldam salynǵan nysan sanalady.
«Investor áýejai qurylysynyń álemde tez salynǵan nysan retinde Ginestiń rekordtar kitabyna engizý týraly ótinish túsirmekshi. Nysan óte jyldam ýaqytta salynyp jatqanymen, Hazret Sultan Airport (HSA) qurylysy sapaly júrgizilýde. Jýyrda qurylystyń barysyn elordadan kelgen delegatsiia tanysyp qaitty. Qonaqtarǵa uzyndyǵy úsh shaqyrymnan astam, eki shaqyrymnan asatyn ushý-qoný jolaǵy kórsetildi. Áýejai qurylysyn júrgizýshiler bul jerde úlken ushaqtardyń ózi jumsaq qonady dep ýáde berýde. Tehnikalyq ushyrylym osy aidyń sońynda júrgizilip, al tolyq paidalanýǵa kelesi jyldyń qańtarynda berilmek», - dedi Sáken Qalqamanov.
Eske salsaq, jaqynda QR Prezidenti Qasym-Jomart Toqaevtyń Túrkistan oblysyna jumys sapary barysynda osy áýejai qurylysymen tanysqan bolatyn. Halyqaralyq áýejai qurylysy biyl aiaqtalady.
