تٷركٸستاندا سالىنىپ جاتقان «Hazret Sultan» ەۋەجايى گينەستەر كٸتابىنا ەنگٸزٸلۋٸ مٷمكٸن. بۇل تۋرالى وبلىس ەكٸمٸنٸڭ ورىنباسارى سەكەن قالقامانوۆ ٶزٸنٸڭ facebook پاراقشاسىندا ايتتى, دەپ حابارلايدى "ۇلت اقپارات".
وبلىس ەكٸمٸ ورىنباسارىنىڭ ايتۋىنشا, اتالعان ەۋەجايدىڭ قٷرىلىسى جٶنٸنەن دٷنيەجٷزٸندە جىلدام سالىنعان نىسان سانالادى.
«ينۆەستور ەۋەجاي قۇرىلىسىنىڭ ەلەمدە تەز سالىنعان نىسان رەتٸندە گينەستٸڭ رەكوردتار كٸتابىنا ەنگٸزۋ تۋرالى ٶتٸنٸش تٷسٸرمەكشٸ. نىسان ٶتە جىلدام ۋاقىتتا سالىنىپ جاتقانىمەن, Hazret Sultan Airport (HSA) قۇرىلىسى ساپالى جٷرگٸزٸلۋدە. جۋىردا قۇرىلىستىڭ بارىسىن ەلوردادان كەلگەن دەلەگاتسييا تانىسىپ قايتتى. قوناقتارعا ۇزىندىعى ٷش شاقىرىمنان استام, ەكٸ شاقىرىمنان اساتىن ۇشۋ-قونۋ جولاعى كٶرسەتٸلدٸ. ەۋەجاي قۇرىلىسىن جٷرگٸزۋشٸلەر بۇل جەردە ٷلكەن ۇشاقتاردىڭ ٶزٸ جۇمساق قونادى دەپ ۋەدە بەرۋدە. تەحنيكالىق ۇشىرىلىم وسى ايدىڭ سوڭىندا جٷرگٸزٸلٸپ, ال تولىق پايدالانۋعا كەلەسٸ جىلدىڭ قاڭتارىندا بەرٸلمەك», - دەدٸ سەكەن قالقامانوۆ.
ەسكە سالساق, جاقىندا قر پرەزيدەنتٸ قاسىم-جومارت توقاەۆتىڭ تٷركٸستان وبلىسىنا جۇمىس ساپارى بارىسىندا وسى ەۋەجاي قۇرىلىسىمەن تانىسقان بولاتىن. حالىقارالىق ەۋەجاي قۇرىلىسى بيىل اياقتالادى.
