Túrkistan oblysy politseileri anasyna eskertpesten Almaty qalasyna qydyryp ketken 14 jasar qyzdy úiine qaitardy, dep habarlaidy "Ult aqparat".
Politsiianyń habarlaýynsha, Jetisai APB-ne jergilikti turǵyn aryzdanyp keledi. Ol óz aryzynda kámelet jasyna tolmaǵan qyzy túngi ýaqytta úiinen belgisiz baǵytqa shyǵyp ketip, qaita oralmaǵanyn aitqan.
«Iz-tússiz joǵalǵan 14 jasar qyzdy izdeýge barlyq tiisti sharalar qabyldandy. Izdestirý barysynda, qyzdyń Almaty qalasynda ekeni anyqtaldy jáne Almaty-Jetisai baǵytyndaǵy avtobýspen kele jatqany belgili boldy», - dedi politsiia qyzmeti.
Tergeý barysynda anyqtalǵandai, qyz óziniń kámelet jasyna tolǵan dos qyzymen birge Almaty qalasyna ketip, sonda tanystarymen qydyrǵan eken.
Tártip saqshylary ony aman-esen anasyna tabystady. Sonymen qatar, anasymen profilaktikalyq jumystar júrgizildi.
