Túrkistandaǵy Halyqaralyq qazaq-túrik ýniversitetiniń stýdentteri filologiia ǵylymdarynyń doktory, professor Álimhan Júsipbekpen kezdesip, latyn álipbiine kóshý tóńireginde áńgime qozǵady, dep habarlaidy "Ult aqparat".
Elbasy N. Nazarbaevtyń «Bolashaqqa baǵdar: rýhani jańǵyrý» maqalasy aiasynda uiymdastyrylǵan kezdesýde jastar Ahmet Baitursynov atyndaǵy Til bilimi institýtynyń bas ǵylymi qyzmetkerine qazaq eliniń latyn álipbiine kóshý bastamasy boiynsha túrli saýaldaryn qoidy. Maqalada ekshelgen latyn qarpine kóshý týraly ideiany túrkistandyq stýdentter qoldaityndaryn aityp, resmi túrde bekitilgen jańa alfavit kóptiń kóńilinen shyqqanyn atap ótti.
«Latyn álipbiiniń qabyldanýy - istiń bastaýy ǵana. Ony túbegeili júzege asyryp, qoldanysqa engizý jolynda qyrýar sharýa atqarylady. Sondyqtan da jańa baǵytta, jańa kózqaraspen ómir súrip, qoǵamǵa latyn álipbiiniń ómirsheńdigin uqtyrý - jas mamandardyń qolynda», - dedi professor Álimhan Júsipbek .
Onyń sózinshe, álipbi - tildiń dybys quramy, tańba - dybystyń qaýyzy. Al, emle men ereje álipbi men tańbanyń ulttyq dánekeri. Olai bolsa, álipbi tańbasy men erejesi úilesken jazý til derbestiginiń kepili bolmaq. Jiynda bas qosqandar osyndai paiym jasady.
Esterińizge sala keteiik, Qazaqstan Respýblikasynyń Prezidenti Nursultan Ábishuly Nazarbaevtyń 2017 jyly 12 sáýirde «Bolashaqqa baǵdar: rýhani jańǵyrý» maqalasynda: «Birinshiden, qazaq tilin birtindep latyn álipbiine kóshirý jumystaryn bastaýymyz kerek. Biz bul máselege neǵurlym dáiektilik qajettigin tereń túsinip, baiyppen qarap kelemiz jáne oǵan kirisýge Táýelsizdik alǵannan beri muqiiat daiyndaldyq» dep aitqan edi.
