Túrkistanda jasóspirim qyz anasy telefon alyp bermegeni úshin úiinen ketip qalǵan. Politsiia qyzmetkerleri 13 jastaǵy qyzdy taýyp, anasyna tapsyrdy, – dep habarlaidy Polisia.kz.
Túrkistan qalalyq politsiia basqarmasyna keshki saǵat 19:00 shamasynda jergilikti turǵyn aryzdanyp kelgen. Áieldiń aitýynsha, kúndizgi saǵat 12:00 shamasynda qyzy úiinen shyǵyp ketip, sodan habarsyz ketken. 13 jastaǵy jasóspirim qyzdyń anasy óz betinshe izdeýden esh nátije shyqpaǵan soń politsiia qyzmetkerlerinen kómek suraǵan.
Politseiler aqparat alysymen birden izdeý jumysyna kiristi. Jas qyzdyń barýy múmkin degen jerlerdi qarap, jaqyn dostarynan, týystarynan surastyrdy.
Sonyń nátijesinde táýlik ishinde qyzdyń júrgen jeri anyqtalyp, ony saiabaqta dostarymen qydyryp júrgen jerinen tapty. Tekserý barysynda jas qyz anasyna telefon alyp bermegeni úshin renjip, úiinen shyǵyp ketken. Sodan dostarynyń úiinde túnegeni belgili boldy.
Qazirgi tańda jas qyz aman-esen anasyna tapsyryldy. Izdeýge atsalysqan politseilerge anasy alǵysyn bildirdi. Sonymen qatar úiinen sebepsiz qashyp ketken qyz ben onyń anasyna profilaktikalyq áńgimelesý júrgizildi.
