تٷركٸستاندا جاسٶسپٸرٸم قىز اناسى تەلەفون الىپ بەرمەگەنٸ ٷشٸن ٷيٸنەن كەتٸپ قالعان. پوليتسييا قىزمەتكەرلەرٸ 13 جاستاعى قىزدى تاۋىپ, اناسىنا تاپسىردى, – دەپ حابارلايدى Polisia.kz.
تٷركٸستان قالالىق پوليتسييا باسقارماسىنا كەشكٸ ساعات 19:00 شاماسىندا جەرگٸلٸكتٸ تۇرعىن ارىزدانىپ كەلگەن. ەيەلدٸڭ ايتۋىنشا, كٷندٸزگٸ ساعات 12:00 شاماسىندا قىزى ٷيٸنەن شىعىپ كەتٸپ, سودان حابارسىز كەتكەن. 13 جاستاعى جاسٶسپٸرٸم قىزدىڭ اناسى ٶز بەتٸنشە ٸزدەۋدەن ەش نەتيجە شىقپاعان سوڭ پوليتسييا قىزمەتكەرلەرٸنەن كٶمەك سۇراعان.
پوليتسەيلەر اقپارات الىسىمەن بٸردەن ٸزدەۋ جۇمىسىنا كٸرٸستٸ. جاس قىزدىڭ بارۋى مٷمكٸن دەگەن جەرلەردٸ قاراپ, جاقىن دوستارىنان, تۋىستارىنان سۇراستىردى.
سونىڭ نەتيجەسٸندە تەۋلٸك ٸشٸندە قىزدىڭ جٷرگەن جەرٸ انىقتالىپ, ونى ساياباقتا دوستارىمەن قىدىرىپ جٷرگەن جەرٸنەن تاپتى. تەكسەرۋ بارىسىندا جاس قىز اناسىنا تەلەفون الىپ بەرمەگەنٸ ٷشٸن رەنجٸپ, ٷيٸنەن شىعىپ كەتكەن. سودان دوستارىنىڭ ٷيٸندە تٷنەگەنٸ بەلگٸلٸ بولدى.
قازٸرگٸ تاڭدا جاس قىز امان-ەسەن اناسىنا تاپسىرىلدى. ٸزدەۋگە اتسالىسقان پوليتسەيلەرگە اناسى العىسىن بٸلدٸردٸ. سونىمەن قاتار ٷيٸنەن سەبەپسٸز قاشىپ كەتكەن قىز بەن ونىڭ اناسىنا پروفيلاكتيكالىق ەڭگٸمەلەسۋ جٷرگٸزٸلدٸ.
